Historia Naturalaren Museoa (Londres)

Historia Naturalaren Museoa (ingelesez: Natural History Museum) Londreseko museo ezaguna da, naturaren historiaren inguruko gaiak aurkezten dituena. Kensington eta Chelseako Exhibition Road kalean kokaturik dago beste bi museo handirekin batera, Zientzia Museoa eta Victoria and Albert Museum hain zuzen ere. Historia Naturalaren Museoaren sarrera Cromwell Road kalean dago ordea.

Historia Naturalaren Museoa
Ondasun Ingelesa
Irudi gehiago
Kokapena
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Londresen banaketa administratiboa	Kensington eta Chelsea
Koordenatuak	51°29′46″N 0°10′34″W
Historia eta erabilera
Irekiera	1881
Inaugurazioa	1881
Zuzendaria	Doug Gurr (en) Michael Dixon (en) Neil Chalmers (en) Ronald Henderson Hedley (en) Gordon Frank Claringbull (en) Terence Morrison-Scott (en) Gavin de Beer (en) Norman Boyd Kinnear (en) Clive Forster Cooper (en) Charles Tate Regan (en) Sidney Frederic Harmer (en) Lazarus Fletcher (en) Ray Lankester (en) William Henry Flower (en)
Arkitektura
Arkitektoa	Alfred Waterhouse (en)
Estiloa	Neorromanikoa
Zerbitzuak
Ondarea
Ondare Ingelesa	1080675
Objetu kopurua	80.000.000
Irekiera egunak	egunero Itxita: Abenduaren 24, Abenduaren 25, Abenduaren 26
Bisitariak urtean	4.105.106
Kontaktua
Helbidea	Cromwell Road, London, SW7 5BD
Telefonoa	tel:+44-20-7942-5000
Webgune ofiziala

Mundu mailan erreferentea den museoa da, espezieen taxonomia, identifikazioa eta kontserbazioari dagokionean. 70 milioi objetutik gora ditu, batzuk oso garrantzitsuak, Charles Darwinek bildutako aleak esate baterako. Urtero bost milioi eta erdi bisitari izaten ditu, Erresuma Batuko hirugarren bisitatuena da.

Museoko alderik ezagunena sarrerako gela handia da, Hintze Hall izenekoa. 35 urtetan zehar gelaren erdian diplodocus erraldoi bat egon izan da baina 2017ko udan balea urdinaren hezurdura ezarri zuten haren lekuan.

Historia

Hans Sloane (1660-1753) naturalista irlandar-britainiarrak bilduma handia osatu zuen. 71.000 objetu bazituen, besteak beste 40.000 liburu eta 7.000 eskuizkribu, baina tartean baziren landare lehortuen 337 bilduma, animalia eta gizakien eskeleto ugari eta beste hainbat gai natural. British Museuma sortu zen bilduma erraldoi hau jasotzeko.

XIX mendean Sir George Shaw zaindariak hainbat elementu saldu zizkion zirujauen eskolari. 1833an esate baterako Sloanek utzitako 550 intsetutatik ez zen batere gelditzen. 1856an Richard Owen aukeratu zuten British Museumeko Historia Naturalaren mintegiburu eta honek erabaki zuen espazio handiagoa behar zutela mintegiko aleek. 1864an South Kensingtonen lursail bat erosi eta museo bat eraikitzeko lehiaketa antolatu zuen. Alfred Waterhouse arkitekto ingelesak irabazi zuen lehiaketa eta 1873 eta 1880 artean altxatu zuten eraikin berria. 1881ean ireki zituen ateak berehala British Museumarekin banatzeko eskaera egin zuten. Eskaera ez zen orea 1963 arte gauzatu.

1986an ondoan zegoen Geologia museoa barneratu zuen eta galeriak birdiseinatuz sumendi aktibo bat eta lurrikarak simulatzen dituen gelak eraiki ziren eta museoa mundu mailan bihurtu zen ezagun.

Atalak

Museoak hainbat atal ditu, koloretan banaturik daude.

•      Eremu gorria: Lurraren historia aldakorra erakusten du. Geologian oinarriturik dago eta mineralak, arrokak eta fosilak ikus daitezke. Sumendiak barrutik erakusten ditu eta lurrikarak simulatzen dituen makina bat ere badu.
•      Eremu berdea: Lurrazaleko animalia, landare eta mineralak erakusten dira, bai eta ekologia eta eboluzioa bezalako kontzeptuak ere. Bertan daude hegaztiak, primateak, landareak... Sekuoia erraldoia da erakusgai ezagunena.
•      Eremu urdina: Itsasoan zentratzen den arren baditu beste sail batzuk ere, dinosauroak, ugaztunak eta gizakia. Museoko gela ezagunenak bertan daude, dinosauroak eta balea urdinaren erreplika hain zuzen ere.
•      Eremu laranja: Darwin Zentrua eta Lorategia.

Iruditegia

• 
  Sarrerako diplodocusa.
• 
  Dinosauroen galeria.
• 
  Itsasoko ugaztunen gela.
• 
  Dodoa, hegaztien galerian.
• 
  Itsasoko narrasti erraldoien fosilak.
• 
  Sekuoia erraldoiaren enborra.
• 
  Meteoritoa.
• 
  Mineralen galeria.
• 
  Lurraren historiaren galeriarako sarrera.
• 
  Ammonitea.
• 
  Charles Darwinen estatua.
• 
  Sarrerako aretoa, erdian Diplodocus ezaguna, 2017 arte egon izan zena.
• 
  Sarrerako aretoa, erdian Balea urdinaren hezurdura, 2017an ezarri zena.

Informazio praktikoa

• Helbidea: Cromwell Road, London SW7 5BD
• Ordutegia: 10:00 - 17:30
• Metro geltokia: South Kensington

Ikus, gainera

• Albertopolis
• South Kensington

Kanpo estekak

• (Ingelesez) Webgune ofiziala

• Datuak: Q309388
• Multimedia: Natural History Museum, London / Q309388
• Espezieak: BMNH