Higidura zuzen uniforme

Zinematikan, higidura zuzen uniformea, HZU laburtzapenaz ere ezaguna, ibilbide zuzena, abiadura konstantean eta, beraz, azeleraziorik ez duen mugimendua da.

Higidura zuzen uniformea ezagutzen.

Bideo hau Jakindun elkarteak egin du. Gehiago dituzu eskuragarri euren gunean. Bideoak dituzten artikulu guztiak ikus ditzakezu hemen.

1.irudia. '*Higidura zuzen uniformea'* azaltzen duten grafikoak: goitik behera eta denboraren arabera, ibilitako distantzia, abiadura eta azelerazioa.

Mugimendu honetan, higikaria V abiadura konstanteko zuzen batetik desplazatzen da; a azelerazioa zero da denbora guztian. Hau, elkarreragin guztietarik kanpo espazioan jaurtitako objektu baten mugimenduari, edo marruskadurarik gabe irristatzen den objektu baten mugimenduari dagokio. V abiadura konstantea izanik, posizioa linealki aldatuko da denborarekiko, ekuazioaren arabera:

${\displaystyle V={\text{konstantea}}\,}$

$V={\cfrac {d\,x}{d\,t}}$

$V\;d\,t=d\,x$

$\displaystyle {\int _{t_{0}}^{t_{1}}V\;d\,t=\int _{x_{0}}^{x_{1}}d\,x}$

$V\;\int _{t_{0}}^{t_{1}}d\,t=\int _{x_{0}}^{x_{1}}d\,x$

$V(t_{1}-t_{0})=x_{1}-x_{0}$

Non ${\displaystyle x_{0}}$ higikariak koordenatu-zentroarekiko duen hasierako posizioa da, hau da, ${\displaystyle t_{0}}$ -rekiko.

Baldin $\ x_{0}=0\;,\;t_{0}=0$ , aurreko ekuazioa jatorritik igarotzen den zuzen bati dagokio, funtzioaren irudikapen grafiko batean $\ x(t)=V\,t$ , 1. irudian agertzen den bezala.