Helio Piñón
Helio Piñón (Onda, 1942) espainiar arkitektoa da.
| Helio Piñón | |
|---|---|
| Bizitza | |
| Jaiotza | Onda, 1942 (81/82 urte) |
| Herrialdea |  Espainia |
| Hezkuntza | |
| Heziketa | Bartzelonako Arkitekturako Goi Eskola Teknikoa |
| Hizkuntzak | katalana gaztelania |
| Jarduerak | |
| Jarduerak | arkitektoa |
| Enplegatzailea(k) | Kataluniako Unibertsitate Politeknikoa |
| helio-pinon.org | |
Bartzelonako Arkitekturako Goi Mailako Eskola Teknikoan (E.T.S.A.B.) egin zituen arkitekturako ikasketak, eta 1966an graduatu zen. Ikasle garaian, Albert Viaplana arkitektoarekin (1933) batera lan egin zuen. Urte asko egin dituzte elkarrekin, eta E.T.S.A.B.eko proiektuen katedraren ardura izan dute biek. Zenbait sari eskuratu ditu: adibidez, Ciutat de Barcelona saria (1983), Santseko plazaren ordenazioagatik jasotakoa, edo Arkitekturako FAD saria, 1984an. Lehiaketei dagokienez, lehenengo saria eskuratu zuen Valentziako Arkitektoen Kolegio Ofizialaren egoitzarako lehiaketan, 1977an, eta Bartzelonako Besós parkerako ideien lehiaketan, 1982an. 1984an, Huelvako Rio Tintoko kaia berrerabiltzeko ideien lehiaketako lehen saria eta Esplugas de Llobregateko udalarena irabazi zituen, eta, handik bi urtera, Rotterdameko Zuidpleinen ordenaziokoa.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
(Gaztelaniaz) http://www.epdlp.com/arquitecto.php?id=4949
Datuak: Q12258997
Multimedia: Helio Piñón / Q12258997
