Gonzalo Txillida
Gonzalo Txillida Juantegi (Donostia, Gipuzkoa, 1926ko urtarrilaren 12a - ib., 2008ko uztailaren 5a) gipuzkoar pintorea izan zen. Eduardo Txillida eskultorearen anaia eta Juan Txillida Ameztoi margolariaren aita zen.
| Gonzalo Txillida | |
|---|---|
| Bizitza | |
| Jaiotzako izen-deiturak | Gonzalo Chillida Juantegui |
| Jaiotza | Donostia, 1926ko urtarrilaren 12a |
| Herrialdea |  Gipuzkoa, Euskal Herria |
| Heriotza | 2008ko uztailaren 5a (82 urte) |
| Familia | |
| Anai-arrebak | ikusi
|
| Hezkuntza | |
| Hizkuntzak | gaztelania euskara |
| Jarduerak | |
| Jarduerak | margolaria |
| Mugimendua | Lyrical Abstraction (en)  |
Biografia aldatu
Bere ibilbide artistiko luzean estilo anitz landu bazituen ere, betiere paisaia gai nagusitzat harturik, azken urteetan giro poetiko eta espiritualak sortu zituen, errealismoari uko egiten ez zioten paisaietan. Bere lana Euskal Herrian zein Euskal Herritik kanpo erakutsi zuen, eta alor horretan aipagarria izan zen, besteak beste, 1997an Donostiako DV galerian Mari Puri Herrerorekin batera egin zuena.
1999an bere seme Juan Txillida Ameztoirekin lankidetzan, Donostiako Benta Berri auzoko parrokia berriko aldare nagusia osatu zuen. Espazio horretan, bat egiten dute Gonzalo Txillidaren egunsentia aurkezten duen horma-lan handi batek eta bere semearen eskultura bik.
2001. urtean, Espainiako Gobernuak Arte Ederretako Merituari ematen zaion Urrezko Domina eskaini zion.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q5882893
