Herriko jarduera ekonomiko nagusia industria da, bertan baitago Goiango industrialdea, non 3.500 pertsona inguruk egiten duten lan 100 enpresa ezberdinetan. 300 ha inguruko azalerarekin, Arabako laugarrena da garrantzian, Gasteizkoen, Laudiokoaren (Gardea) eta Amurriokoen (Aldaiturriaga, Saratxo, Maskuribai) ondoren. Arabako Foru Aldundiak zein Legutioko udalak sustatu dute 1970eko hamarkadatik (Arabako zaharrenetarikoa da).