Ginevra de' Benci
Ginevra de' Benciren erretratua Leonardo da Vinciren margolan bat da, 1474 eta 1476 bitartean datatua. tenple eta olioan egina da taularen gainean (makal zura). 38,8 zentimetroko altuera eta 36,7ko zabalera du. Washingtongo Arte Galeria Nazionalak erosi zion Liechtensteingo Errege etxeari, 5 milioi dolar ordainduta, garai hartarako errekorrezko prezioa.
| Ginevra de' Benciren erretratua | |
|---|---|
 | |
| Jatorria | |
| Sortzailea(k) | Leonardo da Vinci |
| Sorrera-urtea | 1470(e)ko hamarkada |
| Izenburua | Ritratto di Ginevra de' Benci eta Ginevra de' Benci |
| Mugimendua | Italian Renaissance (en)  |
| Ezaugarriak | |
| Materiala(k) | olio-pintura eta panel (en) |
| Dimentsioak | 38,8 ( ) × 36,7 ( ) cm |
| Genero artistikoa | erretratua |
| Egile-eskubideak | jabetza publiko |
| Deskribapena | |
| Kokapena | |
| Lekua | Washingtongo Arte Galeria Nazionala |
| Bilduma | Washingtongo Arte Galeria Nazionala |
| Inbentarioa | 1967.6.1.a |
| Jabea | Washingtongo Arte Galeria Nazionala eta House of Liechtenstein (en) |
| Argumentu nagusia | Ginevra de' Benci (en) |
| nga.gov… | |
Uste denez, Ginebra de Benciren (Ginevra de' Benci) erretratu bat da, bere bizkarrean ipurua margotua egotea azal dezakeena. XV. mendeko Florentziako klase aristokratikoko dama bat izan zen, bere florentziar garaikideek bere ez ohiko adimenagatik miretsia. Ginebra de Benci, gaur egun, soilik, Leonardo da Vinciren hamazazpi margolanetako bateko gaia izateagatik gogoratzen da. Ziuraski, iraganean, erretratu hau handiagoa izango zen, ondoren, behealdetik laburtua izan zena.
Uste denez, Czartoryski Museoko Erbinude zuriaren damaren egile berarena da, eta, orokorrean, bi margolan hauen egilea Leonardo da Vinci izan zela uste da, baina ez desadostasunik gabe kritikaren barnean. Beharbada, Ginebraren ezkontzagatik egina izan zen, 1474an, edo, berak 17 urte baino gehiago dituela dirudienez, Bernardo Bembo veneziar enbaxadorearen ondorengo urteetako enkargu bat izango zen, damarekin, adiskidetasun platoniko bat zuena. Pijoanek, 1504an datatua dagoela uste du, Ginebrak 30 urte izango zituenean.
Bere argitasun bitxiagatik nabarmentzen da, baita xehetasunetan jarritako arretagatik ere. Argi ukituak daude ilean, flandriar margolaritzan bezala. Margolariak, margoa, tokiren batzuetan, behatzekin zabaldu zuen, honela, bere hatz-markak markatuta utziz.
Atzealdean, girlanda bat irudikatua dago, erramu adar batekin eta palmondozko beste batekin, "VIRTUTEM FORMA DECORAT" (edertasunak bertutea apaintzen du) jartzen duen kartela batekin lotua. Atzealdeko margoak, beharbada, Ginebrak inspiratu zuen maitasun sentimenduaren kastitateari erreferentzia egin liezaioke.
Kanpo estekak aldatu
Datuak: Q1267893
Multimedia: Ginevra de' Benci by Leonardo da Vinci / Q1267893
