Germania Garaia

Germania Garaia (latinez: Germania Superior) erromatar probintzia izan zen, Rhin goiko aldean kokatuta, egungo mendebaldeko Suitza, ekialdeko Frantzia eta hego-mendebaldeko Alemanian.

Germania Garaia
Txantiloi:Herrialde info Antzinako Erroma, Galietako Inperioa, Antzinako Erroma
Administrazioa
Garai historikoa	Erromatar Inperioa
Praetorian prefecture	praetorian prefecture of Gaul
Diozesi	Diocese of Gaul
Hiriburua	Mainz eta Treveris
Deuseztapen data	297
Geografia
Koordenatuak	49°09′N 7°41′E
Mugakideak	Upper German-Raetian Limes (en)
Demografia

Julio Zesarrek Germania Garaian bizi ziren zenbait tribu garaitu zituen Ariovisto buru zeukatela Galiako konkistan (K. a. 58an). Orduz geroztik erromatarrek ez zuten eskualde honetatik alde egin. Augustok Germania osoa konkistatu nahi izan zuen, baina bere egitasmoa zapuztu zen germaniarrak Teutoburgoko guduan gailendu zirenean. Erromatar inperioko muga Rhin eta Danubio ibaietan finkatu zen orduan, eta Germania Garaia gotorlekuz bete zen, zigortzeko zenbait espedizio burutzen ziren batera (erromatarrek, besteak beste, Druso buru izan zuten operazio horietan).

Neronen heriotzaren ondorengo gerra zibilean gotorleku franko suntsitu ziren. Horren ostean, gotorlekuen sarea trinkotu zen, Mainz eta Augsburg (Augusta Vindelicorum) errepide batek lotuta. Domizianok chatii izeneko germaniarren aurka egin zuen 83-85ean. Garai honetan hasi zen limes delakoa (muga gotortua) eraikitzen. Ikusteko eremu garbitu baten aurrean, ahal izanez gero hesi bat altxatzen zen, eta egurrezko dorreak eta gotorlekuak bidegurutzeetan.

Nolanahi ere, hurrengo urte baketsuetan, hesi horrek bere behin-behineko izaera galdu zuen. Gotorlekuen inguruan hiriak garatu ziren. 150erako, dorreak harrizkoak ziren. Germaniar kultura ere aldaturik zegoen, eta orain herri erromatartuetan bizi ziren, mugaren inguruan.

Civitates

• Ladenburg (Lopodunum) = Civitas Ulpia Sueborum Nicretum;
• Wimpfen = Civitas Alisinensium;
• Stuttgart-Bad Cannstatt
• Rottenburg (Sumelocenna) = Civitas Sumelocennensis;
• Rottweil (Arae Flaviae)
• Baden-Baden (Aquae) = Civitas Aquensis;
• Mainz (Mogontiacum) = Civitas Aresacium;
• Worms (Borbetomagus) = Civitas Vangionum;
• Speyer (Noviomagus) = Civitas Nemetum;
• Wiesbaden (Mattiacorum) = Civitas Mattiacorum;
• Frankfurt am Main-Heddernheim (Nida) = Civitas Taunensium;
• Dieburg = Civitas Auderiensium

Kanpo estekak

• Datuak: Q153553
• Multimedia: Germania Superior / Q153553