Germaine Richier
Germaine Richier (Grans, 1902ko irailaren 16a - Montpellier, 1959ko uztailaren 31) frantziar eskultorea izan zen. Montpellierren eta Parisen, Bourdellerekin, ikasi zuen. Molde klasikoko giza irudiak (burualdeak, bularraldeak, gorputz osokoak) landu zituen hasieran. 1940. urtetik aurrera, ordea, alegiazko giza formak hasi zen aurkezten, higuingarri iritzitako animalien eta landareen moldera bihurtuak: saguzar-gizakiak, arbola-gizakiak. Intsektuekiko, gaueko indar gordeekiko eta izadiarekiko lilura ageri dira 1946tik aurrerako lanetan: Oihana (1946), Ekaitza (1948), Hurakana (1948), Mamu haur-jalea (1951), Lehoi hegalduna (1952), Sei buruko zaldia (1953). Sailak ere aurkeztu zituen: Tauromakia (1953), Hegazti-gizakiak (1953), Le grand homme de la nuit (1954-1955), Mendia (1956). Eskulturaz gainera, zeramika, mosaikoak eta grabatuak landu zituen. Lanean erakutsitako irudimenak joera surrealistatik hurbil jartzen du Germaine Richier; irudiez bestelako lanak eskaini zituen, hala ere, azken urteetan (zeramika kolore askotarikoa, 1957-1958 urteetan).
| Germaine Richier | |
|---|---|
 | |
| Bizitza | |
| Jaiotza | Grans, 1902ko irailaren 16a |
| Herrialdea |  Frantzia  Suitza |
| Heriotza | Montpellier, 1959ko uztailaren 31 (56 urte) |
| Hobiratze lekua | Mudaison |
| Familia | |
| Ezkontidea(k) | Otto Bänninger (en)  |
| Hezkuntza | |
| Heziketa | Grande Chaumière Akademia |
| Hizkuntzak | frantsesa |
| Jarduerak | |
| Jarduerak | eskultorea, diseinatzailea eta artista |
Parte-hartzailea
| |
| Lan nabarmenak | ikusi
|
| Jasotako sariak | ikusi
|
Erreferentziak aldatu
Wikimedia Commonsen badira fitxategi gehiago, gai hau dutenak: Germaine Richier  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q435149
Multimedia: Germaine Richier / Q435149
