Germaine Greer
Germaine Greer (Melbourne, 1939ko urtarrilaren 29) idazle australiarra, akademiakide, kazetari eta idazlea. XX. mendeko ordezkari feminista garrantzitsuenetakoa izateagatik ezaguna.
| Germaine Greer | |
|---|---|
.jpg) | |
| Bizitza | |
| Jaiotza | Melbourne, 1939ko urtarrilaren 29a (85 urte) |
| Herrialdea |  Australia |
| Familia | |
| Aita | Reg Greer |
| Ama | Peggy Lafrank |
| Ezkontidea(k) | Paul du Feu (en)  (1968ko maiatza - |
| Hezkuntza | |
| Heziketa | Sydneyko Unibertsitatea Cambridgeko Unibertsitatea 1967) Doktoretza Newnham College (en) Melbourneko Unibertsitatea Warwickeko Unibertsitatea |
| Hizkuntzak | ingelesa |
| Jarduerak | |
| Jarduerak | saiakeragilea, kazetaria, katedraduna, gidoilaria, aktorea, idazlea, emakumeen eskubideen aldeko ekintzailea, kritikaria, esataria, unibertsitateko irakaslea eta feminista |
| Enplegatzailea(k) | Warwickeko Unibertsitatea |
| Lan nabarmenak | ikusi
|
| Jasotako sariak | |
| Influentziak | Mary Wollstonecraft eta Simone de Beauvoir |
| Genero artistikoa | feminismoa |
| Sinesmenak eta ideologia | |
| Erlijioa | ateismoa |
       | |
Bizitza aldatu
Filosofia eta letretako ikasketak egin zituen. Gaztetandik kezkatu du emakumeak gizartean betetzen duen paperak. Doktoregoa lortu ondoren (1967), Warwickeko Unibertsitatean eskolak ematen hasi zen. Garai hartan, Ingalaterrako kontrakulturak eta rock musikak erakarri zuen. 1970ean Emakume eunukoa [1]argitaratu zuenean emakumearen askapenari buruzko eztabaidetako abangoardian jarri zen. Liburuan familia tradizionalaren mekanismoak kritikatzen ditu, eta boterea emakumeen eskuetan uztea proposatzen du; izugarrizko arrakasta izan zuen, eta hizkuntza askotara itzuli zen. 1970eko hamarraldian, liburuaren irabaziekin, Asian eta Afrikan zehar bidaiatu zuen. Bidaian bildutako materiala baliatuz, emakume margolariei buruzko liburu bat idatzi zuen: Arrazazko eragozpena: emakume pintoreen fortuna eta haien obra (1979)[2]. 1979an, Tulsako Unibertsitatean (Oklahoma)[3], poesia-irakasle gisa hasi zen lanean. Emakumeek idatzitako literatura aztertzeko zentro bateko zuzendari ere izan zen, baina iritzi-gorabeherak zirela-eta, lan hura utzi eta idazteari ekin zion berriro. Sexua eta patua: emankortasunari buruzko politika[4] liburuan, mendebaldeak erosotasunaren eta indibidualismoaren ikuspegitik begiratuta eta mundua jendez gainez dagoela aitzakiatzat hartuta, garatze bidean diren herrialdeetako jaiotzak kontrolatzeko ezarritako metodoak kritikatu zituen. Feminista asko sutan jarri zituen liburuak, feminismoaren aurkako mezua zabaltzen ari zelakoan, baina idazleak gaizki ulertu zutela adierazi zuen. Beste lan batzuk: Aita, ia ezagutu ere ez zaitugu egiten (1989)[5], Aldaketa garaia: emakumeak, zahartzaroa eta menopausia (1992)[6].
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ (Gaztelaniaz) Greer, Germaine. (2004). La mujer eunuco. Kairos ISBN 978-84-7245-576-4. (Noiz kontsultatua: 2021-02-23).
- ↑ Greer, Germaine. (2005). La Carrera de obstáculos : vida y obra de las pintoras antes de 1950. Bercimuel ISBN 84-932964-3-0. PMC 803694222. (Noiz kontsultatua: 2021-02-23).
- ↑ (Ingelesez) «The University of Tulsa» The University of Tulsa (Noiz kontsultatua: 2021-02-23).
- ↑ Greer, Germaine. (1984). Sex and destiny : the politics of human fertility. Secker & Warburg ISBN 0-436-18801-5. PMC 12614417. (Noiz kontsultatua: 2021-02-23).
- ↑ Greer, Germaine. (2014). Daddy, we hardly knew you. ISBN 978-0-7953-3814-4. PMC 904438662. (Noiz kontsultatua: 2021-02-23).
- ↑ author., Greer, Germaine, 1939-. The change : women, aging, and the menopause. ISBN 978-1-4088-8638-0. PMC 1037153068. (Noiz kontsultatua: 2021-02-23).
Kanpo estekak aldatu
Datuak: Q103591
Multimedia: Germaine Greer / Q103591
