Frederick Reines
Frederick Reines (Paterson, New Jersey, 1918ko martxoaren 16a - Los Angeles, Kalifornia, 1998ko abuztuaren 26a) estatubatuar fisikaria izan zen. Fisikako Nobel saria, neutrino partikula azpiatomikoaren existentzia berresteagatik.
| Frederick Reines | |
|---|---|
 | |
| Bizitza | |
| Jaiotza | Paterson (New Jersey), 1918ko martxoaren 16a |
| Herrialdea |  Ameriketako Estatu Batuak |
| Heriotza | Orange (Kalifornia), 1998ko abuztuaren 26a (80 urte) |
| Hezkuntza | |
| Heziketa | New Yorkeko Unibertsitatea Stevens Institute of Technology (en)  Union Hill High School (en) |
| Doktorego ikaslea(k) | Michael K. Moe (en) |
| Hizkuntzak | ingelesa |
| Jarduerak | |
| Jarduerak | fisikaria eta unibertsitateko irakaslea |
Parte-hartzailea
| |
| Enplegatzailea(k) | Case Western Reserve University (en) University of California, Irvine (en) Los Alamosko Laborategi Nazionala |
| Lan nabarmenak | ikusi
|
| Jasotako sariak | ikusi
|
| Kidetza | Zientzien Errusiar Akademia Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia Zientziak Aurrera Egiteko Elkarte Amerikarra Ameriketako Fisika Elkartea |
  | |
New Yorkeko Unibertsitatean egin zituen ikasketak (1944). Gero Manhattan proiektuan lan egin zuen, Los Alamosen, Mexiko Berrian, bonba atomikoa prestatzen. 1959an Ohiora joan zen, eta 1966an Kaliforniako Unibertsitatera, Irvinera. Neutrinoen lehenengo deskribapena Wolfgang Paulik egin zuen 1930ean. Erradioaktibitateari buruzko bere lanetan, Paulik garrantzi handiko aurkikuntza egin zuen: nukleo atomiko erradioaktiboen desintegrazioan igortzen diren elektroien energia eta prozesuan neurtutako energia galera osoa ez zetozela bat. Beraz, partikula azpiatomiko bat "asmatu" zuen, kargarik gabea, eta nukleoaren desintegrazio prozesuan igorriko zena. Arrazoibide hori fisikaren funtsezko legeetako batean oinarritzen zen: energiaren kontserbazioaren legean, alegia. Lege horren arabera Unibertsoko energia kopurua berdina da beti, ezin da sortu eta ezin da suntsitu. Reines lege hori atomo mailan eta maila azpiatomikoan ere berdin beteko zelakoan zegoen. 1950eko hamarraldian, Clyde Cowan fisikariarekin batera, esperimentu bat prestatu zuen partikula azpiatomikoen talkak uretan aztertzeko. Urtebete geroago, nahiko froga bildu zuen neutrinoak partikula libre gisa existitzen zirela iragartzeko. Paulik sumatzen zuen bezala, neutrinoak elektroiekin batera igortzen ziren desintegrazio erradioaktiboetan. 1995ean Fisikako Nobel saria jaso zuen, Martin L. Perlekin batera.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014/10/4 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
Datuak: Q191922
Multimedia: Frederick Reines / Q191922
