Francisco Galdos

Francisco Galdos Gauna (Lasarte, Araba, 1947ko maiatzaren 6a) euskal txirrindulari profesionala izan zen. 1969tik 1980ra bitartean jardun zuena.

Francisco Galdos
Irudi gehiago
Bizitza
Jaiotza	Lasarte, 1947ko maiatzaren 6a (76 urte)
Herrialdea	Araba, Euskal Herria
Hezkuntza
Hizkuntzak	gaztelania
Jarduerak
Jarduerak	txirrindularia
Ibilbidea
Taldeak	Urteak
Kas	1969-1979
Kelme	1979-1979
Parte-hartzailea 1975 Super Prestige Pernod (en) (10.)

Nahiz eta garaipen gutxi lortu, Galdos 1970eko hamarkadako txirrindulari nagusienetariko bat izan zen, Itzuli Handietan maila handian aritzen zelako.

Ibilbidea

1968an Kantabriako Itzulia lortu ondoren, hurrengo urtean KASek fitxatu eta profesional bilakatu zuen. Urte hartan Dauphiné Libérén zortzigarrena izan zen, Raymond Poulidorrengandik ia bost minutura (4' 58").

Galdosek hamaika aldiz hartu zuen parte Frantziako Tourrean, sei aldiz Italiako Giroan eta lau aldiz Espainiako Vueltan: guztira hirutan zapaldu zuen podiuma (bitan Giron eta behin Vueltan) eta hamabitan izan zen hamar onenen artean (bost aldiz Tourran, lau aldiz Giron eta hiru aldiz Vueltan).

Stelvio mendatea (2.758 m)

Emaitzarik onenak 1975ean lortu zituen: Romandiako Tourra eta, Giron, Stelvio mendateko etapa.

Giro hartara Eddy Merckx eta Francesco Moser ez ziren joan, Tourra prestatzen ari zirelako. Francisco Galdosek elastiko arrosa jantzi zuen 4. eta 12. etapen artean, baina Giovanni Battaglinek, 13. etapa irabazita, lidergoa kendu zion, Galdos etsita utzirik. Egun bat geroago, 14. etapan, orduan ezezaguna zen Fausto Bertoglio gailendu eta lider berria bihurtu zen. Azken etapan Stelvio igo zen. Galdosek erasoa jo zuen, etapa irabaziz, baina italiarrak eutsi egin zion lidergoari. Azken sailkapen orokorrean bigarren izan zen, Felice Gimondi eta Roger De Vlaemincken aurretik, baina Bertogliorengandik 41 segundora. Francisco Galdosek Andrés Olivarekin batera irabazi zuen mendiko sailkapena.

KAS desagertu ondoren, 1980an Kelmek fitxatu zuen. Urte hartan zortzigarren izan zen Vueltan, eta Tourrean 5. etapan erorita, lasterketa utzi behar izan zuen.

Palmaresa

1968 Kantabriako Itzulia 1969 2. Kantabriako Itzulian 3. Errioxako Itzulian 8. Dauphine Liberen 1970 2. Kataluniako Voltan 6. Espainiako Vueltan 9. Frantziako Tourrean 1971 4. Italiako Giroan 1972 3. Italiako Giroan Trofeu Masferrer Manuel Galera Memoriala 1973 2. Errioxako Itzulian 9. Italiako Giroan 1975 Romandiako Tourra 2. Italiako Giroan, Mendiko sailkapena eta etapa 1 Kantabriako Itzulia Arrateko Igoera Oroko Andre Maria Saria

1976 Kantabriako Itzulia 6. Frantziako Tourrean 1977 Kantabriako Itzulia 3. Montjuïceko Igoeran 4. Frantziako Tourrean 1978 Errioxako Itzulia 2. Kataluniako Voltan eta etapa 1 3. Dauphine Liberen 7. Frantziako Tourrean 1979 2. Espainiako Vueltan 3. Dauphine Liberen 1980 8. Espainiako Vueltan

Sailkapen orokorra Itzuli Handietan

Itzuli Handia	1969	1970	1971	1972	1973	1974	1975	1976	1977	1978	1979	1980
Italiako Giroa	—	—	4.	3.	9.	17.	2.	18.	—	—	—	—
Frantziako Tourra	—	9.	11.	—	20.	UT	UT	6.	4.	7.	28.	—
Espainiako Vuelta	21.	6.	—	18.	—	—	—	—	—	—	2.	8.
Munduko Txapelketa	—	—	35.	41.	—	—	—	—	19.	—	—	—

Taldeak

• KAS (1969 – 1979)
• Kelme (1980)

Kanpo estekak

• Francisco Galdos - ProCyclingStats

• Datuak: Q506905
• Multimedia: Francisco Galdós / Q506905