Fernando de Herrera
Fernando de Herrera (Sevilla, 1534 - Sevilla, 1597), ezizenez El Divino deitua, espainiar olerkaria izan zen. Andaluziako Errenazimentuko olerkari gailena izan zen.
| Fernando de Herrera | |
|---|---|
 | |
| Bizitza | |
| Jaiotza | Sevilla, 1534 (egutegi gregorianoa) |
| Herrialdea |  Espainia |
| Heriotza | Sevilla, 1597 (62/63 urte) |
| Hezkuntza | |
| Hizkuntzak | gaztelania |
| Jarduerak | |
| Jarduerak | poeta, idazlea eta apaiza |
| Genero artistikoa | olerkigintza |
Herreraren poesian, formaz joria eta gaietan berrikuntza handirik gabea, Garcilaso de la Vegaren eta Luis de Góngoraren eragina nabari da. Amodiozko olerkiak ondu zituen batez ere, Petrarcaren ildotik sonetoetan idatziak, nahiz eta Ausiàs Marchen ukitua ere ageri duen. Oda aberkoiak ere idatzi zituen, hala nola Canción a la batalla de Lepanto (1571) eta La canción por la pérdida del rey don Sebastián (1578). Historiako lanak ere idatzi zituen. Erudizio handiko kritikaria zen; Espainiako literatura-teoriaren lehen lanetako bat moldatu zuen, Garcilasoren lanen edizio kritikoaren harira: Obras de Garcilaso de la Vega, con anotaciones de Fernando de Herrera (1580).
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
Wikimedia Commonsen badira fitxategi gehiago, gai hau dutenak: Fernando de Herrera  |
- Euskarari ekarriak: Fernando de Herrera ekarriak.armiarma.eus
Datuak: Q731218
Multimedia: Fernando de Herrera / Q731218
