Fernando Buesa

Fernando Buesa Blanco (Bilbo, 1946ko maiatzaren 29a - Gasteiz, 2000ko otsailaren 22a) ETAk hildako euskal herritar politikaria izan zen.

Fernando Buesa
Irudi gehiago
Eusko Legebiltzarkidea 1998ko azaroaren 25a - 2000ko otsailaren 22a - Pilar Unzalu → Barrutia: Araba Hautetsia: Eusko Legebiltzarreko VI. legealdia Eusko Legebiltzarkidea 1990eko abenduaren 18a - 1994ko abuztuaren 30a Barrutia: Araba Hautetsia: Eusko Legebiltzarreko IV. legealdia Arabako Ahaldun Nagusia 1987ko uztailaren 17a - 1991ko uztailaren 17a ← Juan Maria Ollora - Alberto Ansola → Eusko Legebiltzarkidea 1987ko urtarrilaren 8a - 1990eko abenduaren 18a Barrutia: Araba Hautetsia: Eusko Legebiltzarreko III. legealdia Eusko Legebiltzarkidea 1984ko martxoaren 22a - 1987ko urtarrilaren 8a Barrutia: Araba Hautetsia: Eusko Legebiltzarreko II. legealdia
Bizitza
Jaiotza	Bilbo, 1946ko maiatzaren 29a
Herrialdea	Bizkaia, Euskal Herria
Heriotza	Gasteiz, 2000ko otsailaren 22a (53 urte)
Hobiratze lekua	Santa Isabel hilerria
Heriotza modua	atentatua giza hilketa
Hiltzailea	Euskadi Ta Askatasuna
Familia
Seme-alabak	ikusi Sara Buesa
Anai-arrebak	ikusi Mikel Buesa Blanco Jon Buesa
Hezkuntza
Hizkuntzak	gaztelania
Jarduerak
Jarduerak	politikaria
Jasotako sariak	ikusi Gasteizko Urrezko Domina  (2000) Alfontso X.a Jakitunaren Ordenako Gurutze Handia  (2005) Grand Cross of the Royal Order for Civil Recognition of the Victims of Terrorism  (2001)
Kidetza	PSE-EE
Sinesmenak eta ideologia
Alderdi politikoa	Espainiako Langile Alderdi Sozialista Euskal Kristau Demokrazia

Haurtzaroa

Fernando Buesa Bilboko ospitale batean jaio zen 1946an. Orduan familia Mundakan bizi zen, bere aita, Narciso Buesa Buesa, Bermeotik Sukarrietarako trenbidearen ingeniari izan baitzen. Urte bete eman zuen Mundakan eta Gernikara joan zen bizitzera gero, han hamar urte bete arte bizi zen. Gernikan bizi ostean Gasteizera aldatu zen familia.

Ibilbide politikoa

Bere ibilbide politikoa Euskal Kristau Demokrazian hasi zuen, baina ondoren Euskadiko Alderdi Sozialistara pasa zen. 1983tik 1987ra Gasteizko udaleko zinegotzi izan zen, baita bere alderdiaren Antolakuntza Idazkari ere. Arabako ahaldun ere izan zen 1979tik 1983ra, eta Ahaldun Nagusi 1987tik 1991era. 1990etik 1994ra Eusko Jaurlaritzaren Hezkuntza Sailburu izan zen, baita lehendakariorde ere Jose Antonio Ardanza lehendakari zen aldi horretan. Garai hartan istilu ugari izan zituen ikastolen eta euskararen aldeko higikundeekin. Euskal kutsuko sozialismoaren aurka agertu zen beti Buesa, eta Eusko Legebiltzarrean ere 1998ko hauteskundeetan legebiltzarkide hautatu zuten berriz ere eztabaida ugari izan zituen alderdi abertzaleetako ordezkariekin.

Zuzenbide ikasketak burutu zituen Madril eta Bartzelonan eta hainbat kargu politiko izan zuten udal, probintzia eta erkidego mailan. ETAren mehatxupean zegoenez, Eusko Jaurlaritzako Herrizaingo Sailaren babespean zegoen. 2000 urteko otsailean Euskal Herriko Unibertsitateko Gasteizko campusean oinez zebilela, ETAk bonba-auto bat lehertu zuen Buesa eta bere bizkartzaina (ertzain arabarra zena) hil zituen. Horregatik bere omenez, Saski Baskoniaren pabilioiak Fernando Buesa Arena izena hartu zuen ordura arteko Araba Arena izena ordezkatuz.

Kanpo estekak

• Fernando Buesa Fundazioa

• Datuak: Q3751652
• Multimedia: Fernando Buesa / Q3751652

Aurrekoa Lehena	Eusko Jaurlaritzako Gizarte Gaietarako Lehendakariordea 1991ko urriaren 4a - 1995eko urtarrilaren 4a	Ondorengoa Karguaren ezabapena (Gerora, Idoia Mendia, Bigarren Lehendakariorde bezala)
Aurrekoa Inaxio Oliveri	Eusko Jaurlaritzako Hezkuntza, Unibertsitate eta Ikerketa Sailburua 1991ko urriaren 4a - 1995eko urtarrilaren 4a	Ondorengoa Inaxio Oliveri
Aurrekoa Juan Maria Ollora	Arabako Ahaldun Nagusia 1987ko uztailaren 17a - 1991ko uztailaren 17a	Ondorengoa Alberto Antsola