Football Club Dinamo Tbilisi (georgieraz თბილისის დინამო) Georgiako talde onena da, Tbilisi hiriburukoa. Georgiako Liga eta Kopa gehien irabazteaz gain Sobietar Batasuneko txapelketak ere irabazi zituen. Bereziki aipatzekoa da 1981ean lorturiko Europako Errekopa.

Football Club Dinamo Tbilisi
Sorrera1925
Futbol zelaiaDinamo Arena
edukiera: 53.279 lagun
inaugurazioa: 1936 (2006an berriztua)
PresidenteaGeorgia Roman Pipia
EntrenatzaileaGeorgia Giorgi Tchiabrishvili
LigaGeorgiako Liga
20232.a
WebguneaWebgune ofiziala
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Etxekoa
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Kanpokoa
1981. urteko Europako Futbol Errekopako garaipena omentzen duen zigilua.

Historia aldatu

Beti izan da Georgiako talderik indartsuena. Sobietar Batasuneko Liga ere irabazi zuen birritan (lehenengoa 1964an) bai eta beste bost alditan bigarren egin ere. Kopa ere biritan irabazi zuen baina guztira zortzi aldiz jokatu zuen finala.

70. hamarkadan Europako lehiaketetan aritu zen. 1976an SESBeko Kopa irabazi zuen, 1978an Liga eta 1979an berriz ere kopa. Bolada on hau biribiltzeko Europako Errekopa irabazi zuen. Ekialdeko Alemaniako FC Carl Zeiss Jena gainditu zuen 2-1 Düsseldorfen jokaturiko finalean. Ondoren Superkopa jokatzea tokatzen zitzaion baina Liverpool FC -rekin ezin izan zuen data egokirik adostu eta azkenean titulua jokatu gabe gelditu zen. Hurrengo urtean berriz ere final erdietara iritsi zen baina Standard Lieja belgiarrak utzi zuen finalik gabe partida biak 1-0 irabazi ondoren. Nodar Akhalkatsi entrenatzailearen eskutik lortu zituen garaipen guzti hauek.

1990an Georgiako Liga hasi zen jokatzen. Lehenengo hamar ekitaldiak Dinamok irabazi zituen. Gaur egun bere 18 ligatako marka beste edozein talderen oso gainetik dago.

Uniformea aldatu

     
 
 
 
2018-2019
     
 
 
 
2020
     
 
 
 
2021-

Palmaresa aldatu

Sobietar Batasunean: 4 aldatu

Georgian: 39 aldatu

  • Georgiako Liga (19): 1990, 1991, 1992, 1993, 1994, 1995, 1996, 1997, 1998, 1999, 2003, 2005, 2008, 2013, 2014, 2016, 2019, 2020, 2022.
  • Georgiako Kopa (13): 1992, 1993, 1994, 1995, 1996, 1997, 2003, 2004, 2009, 2013, 2014, 2015, 2016.
  • Georgiako Superkopa (7): 1996, 1997, 1999, 2005, 2008, 2014, 2015.

Nazioartean: 2 aldatu

Europako Errekopa aldatu

  • Txapelduna (1): 1981.

Estatu Independenteen Erkidegoko Kopa aldatu

  • Txapelduna (1): 2004.
  • Finalista (1): 1995.

Euskal taldeen aurkako partidak aldatu

Dinamo Tbilisik kanporaketa bakarra jokatu du euskal taldeen aurka:

Denboraldia Txapelketa Fasea Etxekoa Emaitza Kanpokoa
1998-99 Txapeldunen Liga sailkapen fasea Dinamo Tbilisi
Athletic
2-1
1-0
Athletic
Dinamo Tbilisi

Kanpo estekak aldatu