Eukalipto urdina (Eucalyptus globulus) mirtazeoen familiako eta eukaliptoen generoko zuhaitza da, jatorriz Australia eta Tasmaniakoak.

Eukalipto urdin
Iraute egoera

Arrisku txikia (IUCN 3.1)
Sailkapen zientifikoa
ErreinuaPlantae
OrdenaMyrtales
FamiliaMyrtaceae
LeinuaEucalypteae
GeneroaEucalyptus
Espeziea Eucalyptus globulus
Banaketa mapa
Datu orokorrak
Gizakiak ateratzen dizkion produktuakeucalyptus oil (en) Itzuli eta Myrtol standardized (en) Itzuli

Ezaugarriak aldatu

Hosto iraunkorreko zuhaitz handia da eukaliptoa: 40 m garai izan daiteke.

Zurtoina – Azala aldatu

Enborra lodia eta zuzena da, eta azala leuna eta gris-berdexka ─zerrendatan askatzen da kanpoko geruza─.

Hostoak aldatu

Eukaliptoaren hosto gazteak aurkakoak eta eseriak dira; eta helduak, berriz, txandakatuak, peziolodunak, larrukarak eta lantza formakoak. Oso usaintsuak dira hosto guztiak.

Loreak aldatu

Neguan loratzen da eukaliptoa. Loreak ─zurixkak─ ginbail bakanetan sortzen dira.

Fruituak aldatu

 
Fruituak

Fruitua kono formakoa da; berde-urdinxka hasieran, eta arrea heltzean.

Habitata aldatu

Jatorriz, Australiakoa eta Tasmaniakoa da eukaliptoa. Klima epela eta hezea behar du eukaliptoak, eta kostaldean kultibatzen da Euskal Herrian.

Erabilera aldatu

Erleek eukaliptoen loreen nektarra biltzen dute eztia sortzeko. Eukaliptoaren zura horixka da, eta parketa fabrikatzeko erabiltzen da. Papera ere ekoizten da eukaliptoaren egurrarekin.

Hosto eta fruituen infusioak arnas aparatuko hanturak arintzeko erabiltzen dira. Zingiretan, garrantzi handia izaten dute eukaliptoek: inguruaren hezetasuna txikitu egiten dute ─ur asko behar dute eukaliptoek─, eta, horrela, intsektuen populazioak murriztu egiten dira, eta, bide batez, haiek sortutako gaixotasunak, malaria, kasu.

Erreferentziak aldatu

  • Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.
Wikimedia Commonsen badira fitxategi gehiago, gai hau dutenak: Eukalipto urdin