Elizabethtown
Elizabethtown 2005ean Cameron Crowe zuzendariak zuzendutako komedia-drama gaiko estatubatuar filma bat da. Filma honetako aktore nagusiak Orlando Bloom, Kirsten Dunst, Susan Sarandon, Alec Baldwin eta Jessica Biel izan ziren.
| Elizabethtown | |
|---|---|
| Jatorria | |
| Argitaratze-data | 2005 |
| Izenburua | Elizabethtown |
| Jatorrizko hizkuntza | ingelesa |
| Jatorrizko herrialdea | Ameriketako Estatu Batuak |
| Banatze bidea | eskatu ahalako bideo |
| Ezaugarriak | |
| Genero artistikoa | komedia erromantikoa |
| Iraupena | 123 minutu |
| Kolorea | koloretakoa |
| Grabazio lekua(k) | Kansas eta Kalifornia |
| Zuzendaritza eta gidoia | |
| Zuzendaria(k) | Cameron Crowe |
| Gidoigilea(k) | Cameron Crowe |
| Antzezlea(k) | |
| Ekoizpena | |
| Ekoizlea | Tom Cruise Paula Wagner |
| Konpainia ekoizlea | Paramount Pictures Cruise/Wagner Productions (en)  Vinyl Films (en) |
| Edizioa | Mark Livolsi (en) |
| Bestelako lanak | |
| Musikagilea | Ryan Adams |
| Argazki-zuzendaria | John Toll |
| Fikzioa | |
| Kontakizunaren tokia | Kentucky |
| elizabethtown.com | |
           | |
Argumentua aldatu
| Oharra: Atal honek istorio osoa edo amaiera argitzen du. |
Filma honetako protagonista Drew Baylor da (Orlando Bloom), etorkizun oparoko kirol oinetakoen diseinatzaile gaztea. Honek estatubatuar kirol oinetako enpresa erraldoi batentzat kirol oinetako berri batzuk sortzeko asmoz bere bizitzako zortzi urte eskeini ditu, horretarako enpresa honek proiektu honetan dirutza handiak inbertitzea erabaki du. Zoritxarrez Drewk diseinatutako oinetako modeloak hedabideen izugarrizko kritika txarrak eta porrota jasaten du, ondorioz bere oinetako berrien kopuru handi bat merkaturatu gabe gelditu eta enpresak sekulako dolar miloikadak galarazten ditu. Enpresako zuzendariak (Alec Baldwin) Drew bere bulegora deitu eta enpresatik kaleratzen du, gainera ordurarte Drewren neskalaguna izan den Ellen lankideak (Jessica Biel) Drewrekin mozten du, hasiera batean Drew zuzendaritzaren babes osoa zuenean berarekin maitemindu zen, baina Drewren porrota hurbiltzen zihoala nabaritu bezain laister, euren arteko harremana ahultzen joan eta azkenean Ellen neska interesatuak Drew mutilagunari muzin egingo dio.
Egoera patetiko honen aurrean eta Drewk bere burua ergel hutsa dela, eta nahiz eta bere familiako kide arrakastatsuena izatera zihoala uste eta ezertarako balio ez duela sinistu eta bere buruaz beste egitera doanean, bere arrebaren azken uneko telefono dei bat jasoko du, honela bere suizidio geldituaraziz: Drewren aita bere Kentucky estatuko Elizabethtown jaioterriko familia bisitatzen ari zela hil berri da, horregatik familiako anai nagusia denez aitaren gorpuaren bila bertaratu eta hiletaren xehetasunak moldatzera behartuta dago, gehienbat bere aitaren aldeko familia eta Drewren ama den Holly Baylor (Susan Sarandon) behin ere ez baitira ongi moldatu izan. Honela bada, Drewek bere suizidio saiakera bertan behera ahaztu eta bere aitaren jaioterria den Elizabethtown hirirako bidaiari ekingo dio.
Hegazkin bakarti batean Drew ixilik eta jazotako gertakariekin gogoetan doala, Claire Colburn (Kirsten Dunst) hegazkin zerbitzariarekin topatuko da, azken hau solas egingo zaio. Drewk ez dio neska gazte eder hark ematen dion solasaldiari kasu gehiegi egingo, batez ere Mitch bere aitaren heriotzak oraindik nahastuta baitu, gainera aita eta Drew urte luzez elkarren arteko harreman askorik gabe bizi izanak ziren. Halere Clairek setatu eta hainbat galdera egin ondoren Drewri jazotakoaz jabetzen da, eta azkenik Drewren aita hil berria dela konturatu baina Drewri ez dio jakinarazten. Clairek jatorki Drewri Elizabethtown hirira ailegatzeko jakin beharreko guztia azaldu eta bertara iristeko tarjeta batean krokis bat ere marrazten dio, baina Drewk ez dio garrantzia handiegirik ematen. Drew hegazkinetik jeistean Clairek bere aurpegiaren argazki mental bat burutuko du, Clairek Drew gustukoa baitu. Drewk Clairek emandako azalpenak ahaztu eta Elizabethtown hirira doala erabat galduko da, honela hasierara itzultzera behartua egongo delarik.
Behin Elizabethtown hirira iristea lortu ostean, bere aitaren familaik poz handiz Drewri ongietorria egingo dio, gainera familiak jada aitaren hileta eta lurperatzeak antolatuak ditu. Baina Drewk bere ama den Hollyrekin (Susan Sarandon) hizketa egitean, amak Mitch aitaren gorpua errausteko esango dio, erabaki honek Drewren aitaren familian hika-mika ugari piztuko ditu, are gehiago, aitaren familiak beti Holly ama gorrotatu izan duela jakinda. Bienbitartean, Drew hiriko hotel batean ostatu hartu eta Ellen neskalagunaren deia jasoko du, honek Drewrekin zuen harremana etetea erabaki duela esan eta mugikorreko deia bertan behera moztuko dio. Ondoren Drewk mugikorrez Clareri deitu eta solasaldi bati ekingo diote, ustekabean solasaldi hori ordu ugariz luzatu eta euren artean kimika berezi bat dagoela ohartuko dira, ondorioz biak elkar maitemunduko direlarik. Clairek Drewri bizitzaren alderdi baikorra erakutsiko dio, bai eta orainaldiaz barre egin, onartu eta aurrera jarraitzen ere. Amaieran, Drewk Clairekiko dituen sentimenduez ohartuko da, baina neskak hark Drewri beren arteko harremanari hasiera eman aurretik bere barne beldurrak garaitu behar dituela ulertarazten dio, eta elkarren arteko eztabaida batzuen ondoren Drewri asmoz etxerako itzuleran Estatu Batuetan barna bere burua ezagutarazteko bakarkako bidaia bat egin dezan proposatuko dio, horretarako neskak mutilari ibilbide zoragarri bat antolatuko dio, iragan behar den leku bakoitzeko musika eta hitzaldi berezi bat grabatu diolarik, bertan zein leku ikusi eta benetan ongi pasatu eta gozatzeko zer gauza egin esaten dizkio, gauza hauek batez ere ordurarte Drewk garrantzirik ez zutela pentsatu eta bizitzaren funtsa diren gauzak dira.
Filmaren amaieran Drew honetaz ohartzen da: pertsonei bizitzan zehar gertatzen zaizkien gauza onak, txarrak edo absurduak, bizitza beraren zati direla, eta guzti hauek zarena egiten zaituztela, une honetan eta bidaia amaitzera doanean Drew Clairekin elkartu eta estatubatuar merkatu herrikoi batean muxukatu egiten dira.
Aktoreak aldatu
- Orlando Bloom: Drew Baylor
- Kirsten Dunst: Claire Colburn
- Susan Sarandon: Hollie Baylor
- Alec Baldwin: Phil DeVoss
- Bruce McGill: Bill Banyon
- Judy Greer: Heather Baylor
- Jessica Biel: Ellen Kishmore
- Gailard Sartain: Chrles Dean
- Loudon Wainwright: Osaba Dale
Kanpo estekak aldatu
| Wikimedia Commonsen badira fitxategi gehiago, gai hau dutenak: Elizabethtown |
- Elizabethtown filmaren webgune ofiziala (Ingelesez)
- Elizabethtown filmaren IMDBko fitxa ikusgai (Ingelesez)
Datuak: Q113052
Multimedia: Elizabethtown (film) / Q113052
