Eleaniztun

Artikulu hau bi hizkuntza edo gehiago dakizkien pertsonari buruzkoa da; soziolinguistikan aztertzen den gizarte fenomenoa gaitzat duena beste hau da: «Eleaniztasun»

Hiztun eleaniztuna edo poliglota hizkuntza bat baino gehiago dakizkien eta erabiltzen dituen pertsona da. Erabiltzen dituen hizkuntzak bi direnean, gizabanako horri elebidun deritzo; eta hiru hizkuntza erabiltzen baditu, hirueledun.

Eleaniztun ospetsuak aldatu

John Milton (1608-1674), ingeles poeta, Paradisu galdua (ingelesez: Paradise Lost) poema epikoa idazteagatik ezaguna. Ingelesez, latinez, frantsesez, alemanez, grekoz, hebreeraz, italieraz, gaztelaniaz, arameraa eta asirieraz zekien.
Guiseppe Caspar Mezzofanti (1774-1849), italiar kardinala. Hogeita hemeretzi hizkuntza zekizkien, besteak beste persiera, latina, greziera, italiera, gaztelania, alemana eta frantsesa.
John Bowring (1792-1892), ingeles politikari eta ekonomialaria eta Hong Kong hiriko laugarren gobernadorea. Ehun bat hizkuntza hitz egiten omen zituen.
Heinrich Schliemann (1822-1890), enpresaburu eta arkeologo alemaniarra. Troiako aurriak aurkitu zituen. Alemanez, nederlanderaz, frantsesez, ingelesez, italieraz, portugesez, gaztelaniaz, polonieraz, suedieraz, grekoz, latinez, errusieraz, arabieraz eta turkieraz zekien.
Ernesto de la Peña (1927-2012). Itzultzailea eta akademikoa. Hogeita hamahiru bat hizkuntza hitz egiten zituen. Besteak beste, latina, grekoa klasikoa, ingelesa, frantsesa, italiera, errusiera, hebreera, txinera eta sanskritoa.
Georges Dumézil (1898-1986). Filologoa eta historialaria. Indoeuropar gizarte eta erlijioak ikertu zituen. Hogeita hamar bat hizkuntza zekizkien.
Kenneth Locke Hale (1934-2001). Massachusettseko Teknologia Institutuko hizkuntzalaria. Ipar Amerikako eta Australiako hizkuntzak ikertu zituen. Hogeita hamar bat hizkuntza ikasi zituen. Haien artean hopia eta navajoa (Ipar Amerikakoak), eta warlpiri (Australiakoa).
Guillermo Gomez Rivera (1936). Idazle, poeta, hizkuntzalari, kazetari eta historialaria. Tagaloz, gaztdelaniaz, hiligainonaz, ingelesez, italieraz, kinarayaz, cebueraz eta portugesez daki.
Ziad Fazah (1954), liberiae eleaniztuna. Brasilen bizi da. Berrogeita hemezortzi hizkuntza inguru hitz egiten ditu.
Ghil'ad Zuckermann (1971), israeldar hizkuntzalaria, Adelaideko Unibertsitatean hizkuntzalaritza irakasle dena.^[1]^[2]^[3]

Erreferentziak aldatu

↑ Meet Ghil'ad Zuckermann, master of 11 languages, Pedestrian TV, Noiz kontsultatua: 2.8.2018.
↑ Starting from scratch: Aboriginal group reclaims lost language, With the help of a linguistics professor, Barngarla, which has not been spoken for 60 years, is being pieced together, Al Jazeera, John Power, 29.6.2018, Noiz kontsultatua: 2.8.2018.
↑ Voices of the land, In Port Augusta, an Israeli linguist is helping the Barngarla people reclaim their language / Anna Goldsworthy, The Monthly, September 2014, Noiz kontsultatua: 2.8.2018.