Doris Benegas
Doris Benegas Haddad (1951, Caracas – 2016ko uztailaren 29a, Valladolid[1]) euskal herritar abokatua eta ezkerreko militante bat izan zen. PSE-PSOE alderdiko Txiki Benegas PSE-EEko euskal herritar politikariaren arreba zen.
| Doris Benegas | |
|---|---|
 (2009) | |
| Bizitza | |
| Jaiotzako izen-deiturak | Doris Benegas Haddad |
| Jaiotza | Caracas, 1951 |
| Herrialdea | Gaztela |
| Heriotza | Valladolid, 2016ko uztailaren 29a (64 urte) |
| Heriotza modua | berezko heriotza: minbizia |
| Familia | |
| Anai-arrebak | ikusi
|
| Hezkuntza | |
| Heziketa | Euskal Herriko Unibertsitatea |
| Hizkuntzak | gaztelania |
| Jarduerak | |
| Jarduerak | politikaria eta abokatua |
| Kidetza | Q9008740  |
| Sinesmenak eta ideologia | |
| Alderdi politikoa |  Communist Movement (en)  Izquierda Castellana |
Biografia aldatu
Venezuelako Caracas hiriburuan jaio zen, bere aita Jose Maria Benegas Etxeberria jeltzalea eta familia erbesteratuak bizi baitziren. Ama, Doris Haddad, Libanoko judu jatorria zuen.
Gaztaroa Donostian igaro zuen. 1970eko hamarkadan politikan militatzen hasi zen; unibertsitatean, Gipuzkoako Ikasle Iraultzaileetan eta Espainiako Mugimendu Komunistan sartu zen.
Valladolidera (Gaztela-Leon, Espainia) joan zen gero, eta Gaztelako ezkerreko mugimenduan eta Gaztela subjektu politiko gisa onartzearen alde hartu parte aktiboki. Abokatu-lanetan, kaleratutako langile ugariren alde jardun zuen, Frankismoaren amaiera aldera birritan atxilotua izan zen eta 1979an faxista talde batek Valladolideko bulegoa erre zion.
Euskal Herrian, ezker abertzalearen legez kanporatzearen aurka parte hartze aktiboa izan zuen; besteak beste mobilizazioetan parte hartuz baina, batez ere, 2009an Europako Legebiltzarrerako hauteskundeetan Iniziatiba Internazionalista - Herrien Elkartasuna alderdiko bigarren zerrendaburu gisa aurkeztuz. Ezker abertzaleak bost urte zeramatzan orduan legez kanpo, baina Iniziatiba Internazionalista-Herrien Elkartasunak aurkezteko aukera izan zuen.
2016ko uztailaren 29an 64 urte zituela Valladolid hirian zendu zen.
Ereferentziak aldatu
Kanpo estekak aldatu
- Doris Benegasen heriotza Berrian (2016/07/30).
- Doris Benegasen heriotza EITBn.
- (Gaztelaniaz): Doris Benegasi buruzko informazioa Izquierda Castellana webgunean.
Datuak: Q5813551
Multimedia: Doris Benegas / Q5813551
