Dodder ibaia

Dodder ibaiak (irlanderaz: An Dothra) Irlandako hiriburua den Dublin hiriko hiru ibai nagusietako bat da, Liffey eta Tolka ibaiekin batera. Irlandako Itsasoan itsasoratzen da Clontarf barrutian.

Dodder ibaia An Dothra (irlanderaz)
Datu orokorrak
Mota	ibai
Luzera	26 km
Geografia
Koordenatuak	53°18′16″N 6°17′10″W
Hidrografia
Ibaiadarrak	ikusi Owendoher River (en)
Arroaren azalera	120,8 km²
Bokalea ()	Liffey ibaia

Ibilbidea

Ibai motza da, 26 kilometro baino ez baititu. Kippure mendian du iturburua, 763 metrotako altueran. Bere ibilbidean Dublin hegoaldeko hainbat barruti igarotzen ditu, nagusiena Tallaght, eta Dublingo kaiean Liffey ibaiarekin bat egin eta berehala itsasoratzen da.

Historia

Sarritan gainez egiten duen ibaia da. Azkenengo uholde handia 1986an izan zen. Garai batean ohikoak ziren errotan Dodder ibaiaren ertzean baina gaur egun aztarnak baino ez dira gelditzen.

Fauna

Amuarrainaren arrantza baimenduta dago martxotik irailera.

Bestalde hegazti akuatiko ugari ere biltzen dira ibaiertzean, hala nola basahatea, lertxun hauskara, martin arrantzalea, ur-zozoa, kopetazuria, uroiloa, beltxarga eta buztanikara horia. Gabiraia ere ikusten da inguruan.

Azeria, azkonarra eta igaraba dira ugaztunik ohikoenak.

Kanpo estekak

• Datuak: Q2055328
• Multimedia: River Dodder / Q2055328