Dinan

Dinan Bretainiako ipar-ekialdean dagoen udalerria da, Côtes-d'Armor departamenduan kokatutakoa, Bro Sant Malou lurralde historikoan. 2011ko erroldaren arabera 10.851 biztanle ditu.

Dinan
Frantziako udalerria
Irudi gehiago
Administrazioa
Estatu burujabe	Frantzia
Frantziaren banaketa administratiboa	Metropolitar Frantzia
Defense and Security zone of France	Q88521114
Eskualdea	Bretainia
Departamendua	Côtes-d'Armor
Barruti	Dinango barrutia
Kantonamendu	canton of Dinan-Est
Izen ofiziala	Dinan
Posta kodea	22100
Geografia
Koordenatuak	48°27′20″N 2°03′01″W
Azalera	8.7 km²
Altuera	76 m
Mugakideak	Taden, Lanvallay eta Quévert
Demografia
Biztanleria	14.675 (2021eko urtarrilaren 1a) −7 (2020)
Dentsitatea	1.686,78 bizt/km²
Informazio gehigarria
Sorrera	2018ko urtarrilaren 1a
Ordu eremua	UTC+01:00 eta UTC+02:00
Hiri senidetuak	Exmouth, Dinant, Quebec Hiria eta Lugo
dinan.fr

Geografia

Rance ibaiaren ertzeko muino batean zabaltzen da Dinan. Kostaldetik kilometro batzuk barrura badago ere Dinaneraino nabigagarria da Rance.

Historia

Aurrehistoriatik populatua izan zen arren castro baten inguruan sortu zen Dinan XI mendean. 1283an Bretainiako dukeak erosi zuen eta gaur egungo harresia eraiki zuen honek. 1384an Joan IV.a Bretainiako dukeak Dinango gaztelua eraiki zuen. XV mendean harresia berriztu zen eta artilleria piezak ere ezarri ziren baina 1488an Frantziako erregearen aurrean errenditu beharra izan zuen. Bretainiako gainerako hiriekin batera 1532an Frantziako Erresuman sartu zen.

XVI mendean garapen ekonomikoa izan zuen, bai artisau jarduerarengatik eta baita Rance ibaiaren ertzean eraikitako portuarengatik ere. Honi esker Saint-Maloko itsasontzientzako oihalak eta belak egiten zituzten ehundegi ugari sortu ziren.

XIX mendean Ranceko portuak garrantzia galdu zuen baina 1879an trenbidearen iristeak jarduera ekonomikoa berpiztu zuen.

Ondasun nabarmenak

Erdi Aroko alde zaharrak Bretainia iparraldeko turismogune garrantzitsuenetakoa bihurtu du. Kale nagusia Jerzual kalea da, hiria eta portua lotzen dituena. Eraikin aipagarrienak honako hauek dira:

• Dinango gaztelua: XIV mendean eraiki eta 1886an Frantziako monumentu historiko izendatu zuten.
• Saint-Malo eliza eta San Salvador basilika: biak ala biak XII mendean eraiki ziren.
• Erlojuaren dorrea: XV mendekoa da eta 45 metrotako altuera dauka.

Iruditegia

• 
  Erdigunea.
• 
  Rance ibaia Dinan zeharkatzen.
• 
  Dinango gaztelua.
• 
  Dinango portua
• 
  Bertrand du Guesclin zaldunaren estatua
• 
  Saint Malo eliza.
• 
  San Salvador basilika.
• 
  Alde zaharra.
• 
  Erlojuaren dorrea.
• 
  Harresiak.

Kanpo estekak

• Dinan hiriko webgune ofiziala (Frantsesez)

• Datuak: Q201311
• Multimedia: Dinan / Q201311