Datil
Datila fruitu jangarria da, datil-palmondoak ematen duena. Fruitu mamitsua eta luzanga da, 4-6 zentimetro luze, barnean hezur luzaran bat daukana. Oso energetikoa da, azukre kantitate handia baitu (%70 inguru). Oinarrizko jakia da Ekialde Hurbilean eta Magrebean. Egipto, Iran, Aljeria eta Saudi Arabia dira munduko ekoizlerik handienak.
| Datil | |
|---|---|
fruitu, janari, tropical and subtropical fruit (en)  eta Q29043273 | |
 | |
| Historia | |
| Honen produktua | Datil palmondo |
_%D1%84%D0%B8%D0%BD%D0%B8%D0%BA%D0%B8.jpg)
Aldaerak aldatu
200 datil mota inguru daude: batzuk zuriak, handiak, oso azukretsuak eta jateko onak dira, eta beste batzuk txikiak, lehorrak eta azukre gutxidunak; azken horiek behin ehotuz gero irina ematen dute, ogiaren ordez erabiltzen dena. Zapaldu ondoren uretan hartzitzen jartzen badira, datil-ardoa izeneko edaria ematen dute.[1]
Ezaugarri nutrizionalak aldatu
Oso azukre eduki handia dute, %70 inguru. Gainera, oso aberatsa dira karbono hidratotan, burdinean, potasioan eta fosforoan. Bitaminak ere asko dituzte: A bitamina, C bitamina, tiamina, erriboflabina, niazina eta triptofanoa
Ezaugarri medizinalak aldatu
Medikuntzan onuragarritzat hartzen da. Naturopatian, asma, eztul, minbizi, tuberkulosi, bronkitis, sukar, urdaileko min, marranta, begi nekea eta gonokozia kasuetan preskribatzen da. Fruitu ondua, esnetan irakina, arnasbideak xamurtu eta irekitzeko erabiltzen da.
Ekoizpena aldatu
| Datil ekoizle handienak – 2016 (tona metrikoak) | ||
|---|---|---|
| Egipto | 1.694.813 | |
| Iran | 1.065.704 | |
| Aljeria | 1.029.596 | |
| Saudi Arabia | 964.536 | |
| Arabiar Emirerri Batuak | 671.891 | |
| Irak | 615.211 | |
| Pakistan | 494.601 | |
| Sudan | 439.120 | |
| Oman | 348.642 | |
| Tunisia | 241.000 | |
| Mundu osoa | 8.460.000 | |
| Iturria: FAO[2] | ||
Erreferentziak aldatu
- ↑ Lur entziklopedietatik hartua.
- ↑ FAOSTAT:Crops. Elements:Production Quantity / Items:Dates / Years:2016, fao.org (Noiz kontsultatua: 2018-7-8).
