Darryl F. Zanuck
Darryl Francis Zanuck (Wahoo, Nebraska, 1902ko irailaren 5a - Palm Springs, Kalifornia, 1979ko abenduaren 22a) Estatu Batuetako zinema-produktorea izan zen. Eleberriak eta ipuinak argitaratu zituen zineman hasi aurretik. Gidoigile gisa lan egin zuen Mack Sennett eta Harold Lloydentzat. Gero, Warner Bros. produkzio-etxean jardun zuen gidoigintzan. 1931n Warnerreko produkzio zuzendari izendatu zuten eta genero beltzean klasiko izatera iritsi ziren film batzuk ekoitzi zituen: The Public Enemy, Little Caesar. 1935ean sortutako 20th Century Fox produkzio-etxeko lehendakariorde eta produkzio-zuzendari izendatu zuten; hogei urtez lan egin zuen han, produkzio-etxe horren estiloa eta filmen moldea tankeratu zuen eta arrakasta handiko filmak produzitu zituen, horretarako laguntzaile-talde bikain bat eraturik. Hark ekoiztutako filmek gidoien egituraketa bikaina, muntaketaren bizitasuna eta kontaketaren lirikotasuna eta doitasuna dute ezaugarri. Bigarren Mundu Gerraren ondoren dokumental kutsuko "thriller" bikainak produzitu zituen. 1953tik aurrera CinemaScope eta De Luxe kolore-baliabidea erabili zuen, telebistaren konkurrentziari aurre egiteko. Azken urteetan arrakasta handiko film batzuk ekoitzi zituen; 1971n erretiratu zen.
| Darryl F. Zanuck | |
|---|---|
 | |
| Bizitza | |
| Jaiotza | Wahoo (Nebraska), 1902ko irailaren 5a |
| Herrialdea |  Ameriketako Estatu Batuak |
| Lehen hizkuntza | ingelesa |
| Heriotza | Palm Springs, 1979ko abenduaren 22a (77 urte) |
| Hobiratze lekua | Westwood Village Memorial Park Cemetery (en)  |
| Heriotza modua | berezko heriotza: minbizia |
| Familia | |
| Ezkontidea(k) | Virginia Fox (1924 - 1979) |
| Seme-alabak | ikusi
|
| Hezkuntza | |
| Hizkuntzak | ingelesa |
| Jarduerak | |
| Jarduerak | gidoilaria, zinema ekoizlea, aktorea, film-zuzendaria eta producer (en) |
| Enplegatzailea(k) | Hegoaldeko Kaliforniako Unibertsitatea |
| Jasotako sariak | ikusi
|
| Izengoitia(k) | Gregory Rogers |
| Zerbitzu militarra | |
| Parte hartutako gatazkak | Lehen Mundu Gerra Bigarren Mundu Gerra |
        | |
Erreferentziak aldatu
Wikimedia Commonsen badira fitxategi gehiago, gai hau dutenak: Darryl F. Zanuck  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
  |
Artikulu hau Nebraskako biografia baten zirriborroa da. Wikipedia lagun dezakezu edukia osatuz. |
Datuak: Q364342
Multimedia: Darryl F. Zanuck / Q364342
