Cavan

Cavan (irlanderaz An Cabhán) Irlandako Errepublikako Cavaneko konderrian kokatzen da. Hiria Irlandako uhartearen ipar-ekialdean dago, Ipar Irlandako mugatik oso hurbil. Hiri hau N3 errepidean zehar kokatzen da, honen bitartez hegoaldera Dublin hiriburuarekin lotzen du eta iparraldera berriz Enniskillen, Ballyshannon eta Donegal hiriekin. Cavaneko konderria sarritan Breifni konderria bezala ere deitua da.

Cavan An Cabhán
Fortitudine et Prudentia "Adorea eta Zuhurtzia"
Irudi gehiago
Administrazioa
Herrialdea	Irlandako Errepublika
Herrialdea Lurralde Historikoa Konderria	Irlandako Errepublika Ulster Cavaneko konderria
Posta kodea	CN
Geografia
Koordenatuak	53°59′28″N 7°21′36″W
Azalera	3.74 km²
Altuera	113
Demografia
Informazio gehigarria
Ordu eremua	UTC±00:00
http://www.cavancoco.ie www.cavancoco.ie

Etimologia

Irlanderaz An Cabhán izenak "zuloa" esan nahi du.

Historia

XIII mendetik aurrera O'Reilly klanaren esku egon zen eremua. 1300 inguruan monasterio frantziskotar bat ezarri zen eta O'Reillytarrek gaztelu bat ere altxatu zuten Tullymongan muinoan garai hartan. Gazteluaren inguruan herria eratuz joan zen eta XV mendean Owen O'Reilly "Bizardunak" merkatu eskubideak lortu eta Dublin zein Droghedako merkatariak erakarri zituen.

1610an Jakue I.a Ingalaterrakoak herri eskubideak ematearekin batera O'Reillytarren indarrak gora egin zuen eta beren txanpona egiten ere hasi ziren.

XIX mendean hiriaren zabalkundea iritsi zen. Farnham Street kale zabala eraiki zuten bertan etxe aberatsak, eraikin publikoak eta elizak ezarri zirelarik.ç

Ondasun nabarmenak

• Udaletxea: Dublinetik ekarritako William Scott arkitektuak diseinatu eta 1910an ireki zuten. Arts and Crafts mugimendu arkitektonikoaren estilora eraiki zen hareharria erabiliz.
• San Patrizio eta Felim katedrala: 1942an bukatutako eliza neoklasikoa da. 1994ean Harry Clarkek egindako sei beirate gehitu zitzaizkion.
• San Fethlimidh katedrala: Cavandik gertu dagoen Kilmore herrixkako XIX mendeko katedrala da, aurrez XII mendeko eliza erromanikoaren gainean eraikia.

Hiri senidetuak

• Jaunay-Clan (Frantzia)

Iruditegia

• 
  Udaletxea
• 
  San Patrizio katedrala
• 
  San Fethlimidh katedrala

Kanpo estekak

• Cavaneko webgune ofiziala

• Datuak: Q215361
• Multimedia: Cavan / Q215361