Bu Regreg

Bu Regreg
Bu Regreg
Datu orokorrak
Mota	erreka
Luzera	240 km
Geografia
Koordenatuak	34°01′55″N 6°49′51″W / 34.0319°N 6.8308°W
Herrialdea	Maroko
Eskualdea	Rabat-Salé-Kénitra
Prefektura	Salé Prefecture
Hiria	Sale
Hidrografia
Ibaiadarrak	ikusi Oued Grou (en) ;
Arroaren azalera	10.000 km²
Ur-emaria	23 m³/s
Bokalea; ()	Ozeano Atlantikoa

Bu Regreg edo Bou Regreg (arabieraz: أبو رقراق‎) mendebaldeko Marokoko ibaia da, Ozeano Atlantikoan Rabat eta Sale artean ahoa duena. Bere bokaleak Wadi Sala du izena.^[1]

240 kilometroko luzera du eta 24 kilometroko itsasadarra. Bataz besteko emaria 23 m³/s-koa izan arren, uholdeak direnean, 1500 m³/s-koa izan daiteke. Atlas Ertainean, Mtzurgan mendian, jaioa, mendebalderantz jotzen du Ozeano Atlantikoraino. Bere bokalearen hegoaldean Rabat eta iparraldean Sale daude.

Uren kalitatea aldatu

Bu Regregeko uren kalitateari buruzko arazoek honako hauek hartzen dituzte barne: mareek eragindako itsas intrusioa, nekazaritza-lurretan duten erabileragatik nitratoen gehiegizko isurketa eta drainatze-arroaren barruan pestizida jakin batzuk erabiltzeagatik sortutako merkurioaren kutsadura.^[2]

Historia aldatu

Feniziarrak eta kartagotarrak, Marokon zenbait kolonia sortu zituztenak, Chellahko antzinako kokalekuan, Bou Regreg ibaiaren ertzean bizi ziren, ahotik bi kilometro ingurura. Aztarnategi arkeologiko honetan Sala Colonia izena zuen eta Ptolomeok Sala bezala ezagutzen zuen hiri erromatar baten hondakinak daude. Chellah antzinako portu-hiri esanguratsu bat izaten zen, gaur egun, besteak beste, decumanus maximus edo errepide nagusia, baita foro bat, iturri monumental bat, garaipen arku bat eta erromatar beste hondakin batzuk ere geratzen zaizkigularik.^[3]