Berlingo Orkestra Filarmonikoa
Berlingo Orkestra Filarmonikoa (alemanez Berliner Philharmoniker, siglak: BPO), munduko orkestra sinfonikorik garrantzitsuenetako bat da. Bere egungo zuzendari nagusia, Simon Rattle da, musika klasiko garaikideari ematen dion laguntzagatik ezaguna. Berlingo Orkestra Filarmonikoa, ganbera musikako zenbait talderen oinarri ere bada.
2002tik, Eskubide Publikoko Fundazio bat da, Berlingo estatua bere jabea delarik. Erakundearentzako funtsak, Berlingo hiritik zein Deutsche Banken babesarekin subsidiatuak dira.
Historia aldatu
Orkestra, 1882an sortua izan zen. Orkestraren aurreko eraikina, 1944an, Bigarren Mundu Gerran suntsitua izan zen. 1963tik, bere egoitza, Hans Scharounek diseinatutako Berliner Philharmonie eraikinean du. Eraikin hau, 2008ko maiatzak 20an sutan kixkali zen, baina ez zuen konponezinezko kalte materialik eragin.
Zuzendariak aldatu
- Ludwig von Brenner (1882-1887)
- Hans Guido von Bülow (1887-1893)
- Arthur Nikisch (1895-1922)
- Wilhelm Furtwängler (1922-1945 eta 1952-1954)
- Leo Borchard (1945eko ekaina eta abuztua)
- Sergiu Celibidache (1945-1952)
- Herbert von Karajan (1954-1989)
- Claudio Abbado (1989-2002)
- Simon Rattle (2002tik)
Herri kulturan aldatu
- 2001: A Space Odyssey filmerako soinu bandaren albumak, Karl Böhmek zuzendutako BPOk interpretatutako Richard Straussen Horrela hitz egin zuen Zarathustrak lanaren bertsio bat eskaintzen du (Filmean erabilitako bertsioa, berriz, Vienako Orkestra Filarmonikoarena izan zen, Karajanek zuzendua, Decca Records copyrightaren jabeak ez baitzuen zientzia-fikzioarekin lotu nahi.
- BPOk, heavy metal musikan parte hartu zuen Scorpions talde alemaniarrarekin hauen Moment of Glory 2000ko albumean.
Ikus, gainera aldatu
Kanpo estekak aldatu
- (Alemanez)Webgune ofiziala
Datuak: Q152222
Multimedia: Berlin Philharmonic / Q152222
