Belonaren tenplua (Erroma)

Belonaren tenplua, Belona jainkosari eskainitako tenplu erromatar bat izan zen, Apollo Sosianusen tenpluaren eta Martzeloren antzokiaren ondoan zegoena, antzinako Erroman, Palatino muinoaren oinean. Bere hondarrak Sant'Angelo rionean kokaturik daude.

Belonaren tenplua (Erroma)
Irudi gehiago
Kokapena
Estatu burujabe	Italia
Eskualdea	Lazio
Italiako hiri metropolitarra	Erromako hiri metropolitarra
Hiria	Erroma
Koordenatuak	41°53′33″N 12°28′48″E

Historia

Bere eraikuntza, Apio Klaudio Zentsorearen boto baten ondorio izan zen samnitar eta etruriarren aurkako gerran, K.a. 296an, Flaminio zirkuaren atzealdean, pomeriumetik kanpo eta Serviar Harresien ondoan.

Gaur egun ikus daitezkeen hondarrak, iturri literarioetan aipatzen ez den Augusto enperadorearen garaiko berreraikitze batekoak dira, baina, ziur asko, antzokiaren eraikuntzan, une horretan, guneak jasandako aldaketarekin lotua dago. Augustok, bere emaztearen bidez, tenpluaren sortzailearekin lotua, tenplua berreraiki izango zuen, edo, eskaintzailea, Apio Klaudio Pulker izan zitekeen, K.a. 38an kontsula izan zena eta Augustoren aitaginarreba eta aliatu leiala zena.

Soilik tobazko zatiek osatutako hormigoizko nukleoaren zatiak mantentzen dira, harlandu guztia lapurtua izan da. Gertu aurkitutako trabertinozko eta Carrarako haitzurdinezko arkitekturazko txatal solte batzuk, peto batekin eta palmondo hostoekin apaindutako kapitel erraldoi bat kasu, tenpluaren altxatzeari ematen zaizkio. Forma Urbisak ematen duen informazioari esker, alboril laburrenetan zehar sei zutabe zituela ezagutzen da, eta bederatzi luzeenetan zehar. Gainera, podiora, aurrealdeko eskailera baten bidez iristen zen.

Kanpo estekak

• Datuak: Q2595680
• Multimedia: Temple of Bellona (Rome) / Q2595680