Bayezid II.a

Bayezid II.a
	; Irudi gehiago
; Otomandar Inperioko sultana	; 1481 (egutegi gregorianoa) - 1512 (egutegi gregorianoa) ; ← Mehmed II.a - Selim I.a →
; Otomandar Inperioko sultana
Bizitza
Jaiotza	Amasya, 1447ko abenduaren 3a
Lehen hizkuntza	Otomandar turkiera
Heriotza	Istanbul, 1512ko maiatzaren 26a (64 urte)
Hobiratze lekua	Bayezid II Mosque (en)
Familia
Aita	Mehmed II.a
Ama	Gülbahar Hatun
Ezkontidea(k)	Ayşe Hatun (en) ; Şirin Hatun (en) ; Nigar Hatun (en) ; Bülbül Hatun (en) ; Gülruh Hatun (en) ; Ayşe Gülbahar Hatun (en) ; Muhtereme Ferahşad Hatun (en) ; Hüsnüşah Hatun (en)
Seme-alabak	ikusi Selim I.a; Şehzade Ahmed (en) ; Şehzade Korkut (en) ; Ayşe Sultan (en) ; Aynışah Sultan (en) ; Şehzade Alemşah (en) ; Selçuk Sultan (en) ; Fatma Sultan (en) ; Hundi Sultan (en) ; Hümaşah Sultan (en) ; Kamerşah Sultan (en) ; Hatice Sultan (en) ; Gevhermülük Sultan (en) ; Şah Sultan (en) ; İlaldı Sultan (en) ; Şehzade Şehenşah (en) ;
Anai-arrebak	ikusi Şehzade Cem Sultan (en) ; Gevherhan Hatun (en) ;
Leinua	Osmanliar Dinastia
Hezkuntza
Hizkuntzak	Otomandar turkiera; arabiera; persiera; Txagatai hizkuntza; italiera
Jarduerak
Jarduerak	politikaria
Sinesmenak eta ideologia
Erlijioa	islama

Bayezid II.a (1447ko abenduaren 3a - 1512ko maiatzaren 26a) Otomandar Inperioko sultana izan zen 1481etik 1512an hil zen arte.

Bayezid Dimetoka jauregian, Traziako eskualdean, jaio zen. Mehmed II.a Konkistatzailearen semea zen, eta 1481ean tronuratu zen.^[1] Aitaren antzera, mendebaldeko eta ekialdeko kulturaren mezenasa izan zen, eta, beste sultan askok ez bezala, trabarik gabeko barne-politika bermatzen egin zuen ahalegin guztia. Hori dela eta, Justua goitizenaz ere ezaguna zen.

Bere agintaldian kanpaina zenbait egin zituen Moreako Despoterria konkistatzeko; eskualde hori sarritan deskribatu izan zen botere otomandarra Ekialdeko Mediterraneoan bermatzeko giltza gisa.

Bayeziden kezka nagusia Cem anaiarekin izan zuen borroka zen. Anaiak tronua eskatzen zuen, eta horretan laguntzeko, Maltako Ordenako Zaldunen babes militarra bilatu zuen Bayezidek. Zaldunek Cem preso hartu zuten, eta Inozentzio VIII.a Aita Santuari bidali zioten. Cem Napoliko presondegi batean hil zen, gaixotasun infekzioso baten ondoren.

Ekialdeko altxamenduak asko izan ziren Bayeziden agintaldian. Sarritan Persiako xah zen Ismailek babestu egiten zituen altxamendu horiek, xiismoa bultzatu eta hedatzeko gogotsu baitzegoen, horrela estatu otomandarraren agintea gutxitzeko. Anatoliako agintari otomandarrak, izan ere, mehatxu serioak jaso zituzten denboraldi honetan, eta Bayeziden Bisir Handia, Ali Pasha, erail egin zuten matxinatuen kontrako bataila batean. Bayezid II.ak, era berean, armada otomandarra Espainiako Erresumara bidali zuen 1492an, Errege-erregina Katolikoen dekretuz egotziak izan ziren judu espainiarrak otomandarren eskualdera eramateko.

Bayezid II.ak bere seme Selim eta Ahmedek ondorengotza lortzeko zuten borroka ikusi behar izan zuen bizitzako azken urteetan. Halako batean, Bayezid Ahmedek asasinatuko zuen beldur zen, eta Konstantinoplan sartzea debekatu zion semeari.

Selimek, janizarien laguntzarekin, Ahmed garaitu eta exekutatzeko agindua eman zuen. Beyazidek abdikatu egin zuen 1512ko apirilean. Jaioterri zuen Dimetokara erretiratzea pentsatu zuen, baina bidaian hil zen, eta Istanbulen hobiratu zuten, haren izena daraman meskitan.

Genealogia aldatu

Erreferentziak aldatu

↑ Sultan Bajazid's (i.e., Beyazit's) Mosque, Constantinople, Turkey. (Noiz kontsultatua: 2013-10-19).

Wikimedia Commonsen badira fitxategi gehiago, gai hau dutenak: Bayezid II.a

[WDL-1] Sultan Bajazid's (i.e., Beyazit's) Mosque, Constantinople, Turkey. (Noiz kontsultatua: 2013-10-19).

[1]