Azido uriko
Azido urikoa karbonoa, nitrogenoa, oxigenoa eta hidrogenoa dituen azido organikoa da. C5H4N4O3 formula kimikoa du.
| Azido uriko | |
|---|---|
 | |
 | |
| Formula kimikoa | C5H4N4O3 |
| SMILES kanonikoa | 2D eredua |
| MolView | 3D eredua |
| Konposizioa | Nitrogeno, oxigeno eta karbono |
| Base konjokatua | urate(1-) (en)  |
| Mota | purine alkaloid (en) |
| Tautomeroa | 5,7-dihydro-1H-purine-2,6,8(9H)-trione (en) |
| Ezaugarriak | |
| Dentsitatea | 1,89 g/cm³ |
| Masa molekularra | 168,028 Da |
| Erabilera | |
| Rola | Antioxidatzaile eta primary metabolite (en) |
| Identifikatzaileak | |
| InChlKey | LEHOTFFKMJEONL-UHFFFAOYSA-N |
| CAS zenbakia | 69-93-2 |
| ChemSpider | 1142 |
| PubChem | 1175 |
| Reaxys | 156158 |
| Gmelin | 17775 |
| ChEBI | 241332 |
| ChEMBL | CHEMBL792 |
| EC zenbakia | 200-720-7 |
| ECHA | 100.000.655 |
| CosIng | 38843 |
| MeSH | D014527 |
| RxNorm | 1427088 |
| Human Metabolome Database | HMDB0000289 |
| KNApSAcK | C00007301 |
| UNII | 268B43MJ25 |
| KEGG | C00366 |
| PDB Ligand | URC |
Egitura molekular hau du:
Giza gorputzean, azido urikoa base nitrogenatuen katabolismoaren produktua da. Izan ere, azido nukleikoen base nitrogenatu purikoak (adenina eta guanina) katabolizatutakoan azido urikoa sortzen da, proteinak katabolizatzen direnean urea sortzen den modu berean. Biak, azido urikoa eta urea, konposatu nitrogenatuen katabolismoaren hondar biokimikoak dira, iraizketa prozesuan gernuaren bidez kanporatzen direnak.
Hegazti, narrasti eta artropodo batzuek azido urikoa eratzen dute proteinak katabolizatzerakoan, urearen ordez. Animalia hauen gernuak ez du urearik, azido urikoa baizik. Gizakiarengan, berriz, proteinen katabolizazioaren azken metabolitoa urea da; giza-gernuan agertzen den azido uriko apurra base nitrogenatuen katabolismotik dator.
Bere kontzentrazio normala odolean 2,5-7,5 mg/dl-koa da, altuagoa izanik gizonezkoengan emakumezkoengan baino. Azido urikoaren kontzentrazio handiek metabolito horren prezipitazioa eragin dezakete artikulazioetan, hezueria izeneko gaitz mingarria sortuz. Giltzurrunetan hauspeatzen denean, aldiz, azido urikoak harriak eratzen ditu (giltzurrun-kalkuluak).
