Antonio Mercero
Antonio Mercero Juldain (Lasarte-Oria, Gipuzkoa, 1936ko martxoaren 7a – Madril, Espainia, 2018ko maiatzaren 12a) zinema zuzendari eta gidoigilea izan zen. Haren semea da Antonio Santos Mercero gidoigilea.
| Antonio Mercero | |
|---|---|
.jpg) (2007) | |
| Bizitza | |
| Jaiotzako izen-deiturak | Antonio Mercero Juldain |
| Jaiotza | Lasarte-Oria, 1936ko martxoaren 7a |
| Herrialdea |  Gipuzkoa, Euskal Herria |
| Heriotza | Guadalajarako probintzia, 2018ko maiatzaren 12a (82 urte) |
| Heriotza modua | berezko heriotza: Alzheimerra |
| Familia | |
| Seme-alabak | ikusi
|
| Hezkuntza | |
| Heziketa | Valladolideko Unibertsitatea |
| Hizkuntzak | gaztelania |
| Jarduerak | |
| Jarduerak | film-zuzendaria eta gidoilaria |
| Jasotako sariak | ikusi
|
    | |
.svg){kind=small}
Bizitza aldatu
Antonio Mercero Lasarte Gipuzkoan jaio zen ehungintzako enpresaburuen familia batean. 1958an Zuzenbideko ikasketak bukatu zituen Valladolideko Unibertsitatean, eta 1962an Madrilgo Zinema Eskolan zinema zuzendari bihurtu zen.
Zinemako Eskola Ofizialean zenbait film labur egin zituen, hala nola Lección de arte (1962, Arte irakaspena), Donostiako Zinemaldiko Urrezko Maskorra irabazi zuena. Urtebete geroago egin zuen bere lehenengo film luzea: Se necesita chico (1963, Mutila behar da), baina ez zuen arrakasta handirik izan eta film laburrak egiten jarraitu zuen. 1970ean telebistarako lanean hasi zen. Handik gutxira La cabina (1972, Telefono kabina) egin zuen, Espainiako eta nazioarteko hamar sari jasotakoa, Estatu Batuetako Emmy saria, besteak beste. Telebistarako lanen artean, arrakasta handi-handiko hiru aipa daitezke: Crónicas de un pueblo (Herri bateko kronikak), Verano azul (1981, Uda urdina) eta Farmacia de guardia (Goardiako farmazia). Beste lan aipagarri batzuk: La guerra de papá (1977, Aitaren gerra), Toby (1978), Espérame en el cielo (1987, Itxaron nazazu zeruan), Don Juan, mi querido fantasma (1989, Don Juan, nire mamu maitea) eta La hora de los valientes (1998) dira. Film honek Moskuko Nazioarteko Zinemaldiaren XXI. edizioan epaimahaiaren sari berezia irabazi zuen. 2000. urtean utzi zion Espainiako Telebista Elkartearen presidente izateari. Zuzendari izateaz gain, 18 gidoi baino gehiago egin ditu.
2010eko otsailaren 14an Ohorezko Goya Saria. Antonio Mercerok ezin izan zuen ekitaldira joan, alzheimer gaitza zuelako; hortaz, saria etxean jaso zuen.
Lanak aldatu
Zinema aldatu
- Trotin Troteras (1962)
- Leccion de arte (1962)
- Tajamar (1970)
- Manchas de sangre en un coche nuevo (1975)
- La Guerra de papa (1977)
- Tobi (1978)
- Don Juan, mi querido fantasma (1990)
- La hora de los valientes (1998)
- Planta 4ª (2003)
- Zu nor zara? (2007)
Telebista aldatu
- Verano azul
- Crónicas de un pueblo
- Este señor de negro
- Farmacia de guardia
- Manolito Gafotas.
- La cabina (1972)
Sariak aldatu
- Emmy Saria (1973, La cabina telefilmagatik)
- Ondas Saria (1972)
- Donostiako Zinemaldiko Urrezko Maskorra (1962, Lección de Arte dokumentalagatik)
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
Datuak: Q1530222
Multimedia: Antonio Mercero / Q1530222
