Anselmo Lorenzo
Anselmo Lorenzo Asperilla (Toledo, 1841eko apirilaren 21a - Bartzelona, 1914ko azaroaren 30a) espainiar anarkosindikalista eta idazlea izan zen. Madrilen hasi zen lanean hamaika urte zituela, tipografo gisa, eta gazterik hasi zen Lehenengo Internazionalarekin harremanetan. 1870eko zapalkuntzaren ondorioz, Portugalera jo eta estatu hartako lehen talde anarkistak eratu zituen. 1871ko irailean parte hartu zuen Internazionalaren bileran Londresen, eta, haien miresle zen arren, ez zituen han zeuden Marxen eta Engelsen ideiak onartu. Espainiako langile-mugimenduko buru izan zen 1874tik aurrera, eta Bartzelonan 1889an preso hartu zuten, atentatu baten ondoren. Parisera bidali zuten Montjuicheko auziaren ondoren eta, hango intelektual ezkertiarren artean egon ondoren, Bartzelonara itzuli zen berriro. 1902an kartzelara eraman zuten, urte hartako greba orokorraren antolatzaile zelakoan, eta Kataluniako mugimendu anarkosindikalistako buru izan zen heriotza arte. Idatzi politikoak, literatura-obrak eta autobiografia bat idatzi zituen.
| Anselmo Lorenzo | |
|---|---|
 | |
| Bizitza | |
| Jaiotzako izen-deiturak | Anselmo Lorenzo Asperilla |
| Jaiotza | Toledo, 1841eko apirilaren 21a |
| Herrialdea |  Espainia |
| Heriotza | Bartzelona, 1914ko azaroaren 30a (73 urte) |
| Hobiratze lekua | Montjuïceko hilerria |
| Hezkuntza | |
| Hizkuntzak | gaztelania |
| Jarduerak | |
| Jarduerak | anarkosindikalista, sindikalista eta Tipografoa |
| Kidetza | Lanaren Konfederazio Nazionala Lehen Internazionala |
Fundación Anselmo Lorenzo aldatu
CNT sindikatuak 1990 urtean Fundación Anselmo Lorenzo iraskundea (FAL akronimoarekin ezagututa) sortu zuen, Madrilen, idei libertarioak zabaltzeko asmoz eta higikunde libertarioaren oroimen historikoa mantentzeko.
Lanak aldatu
- Fuera política (1886)
- Acracia o república (1886)
- Biografía de Pedro Kropotkin (1893)
- Sinopsis ortográfica a la tipografía española. Reglas para el uso de las letras dudosas y de los acentos. Barcelona, Tip. La Académica, Serra Hermanos y Russell, 1900.
- Criterio libertario (1903)
- Vía libre. El trabajador. Su ideal emancipador. Desviaciones políticas y económicas. J. Mir y Mirren sarrera eta Tarrida del Mármolen hitzaurrea. Barcelona: Ed. F. Granada y Cía. Barcelona, 1905.
- El pueblo (estudio libertario) Valencia: F. Sempere y Compañía Editores, S.A. (Kropotkinen sarrera, 1907).
- Solidaridad (1909)
- La Anarquía Traficante (1911)
- Contra La Ignorancia (1913)
- El proletariado militante, 2 vols. (1901, vol. 1-1923, vol. 2). Muy reimpreso.
- El Sindicalismo Barcelona: "Tierra y Libertad," ca. 1930s.
- El Banquete de la vida. (Con un Esbozo Biográfico de Anselmo Lorenzo por Manel Aisa) Barcelona: Ed. Sintra, 2006.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo-estekak aldatu
- (Gaztelaniaz) Fundación Anselmo Lorenzo
Datuak: Q174770
Multimedia: Anselmo Lorenzo / Q174770
