Anfibol
Anfibolak silikatoen taldeko mineral multzo bat dira, inosilikatoen azpitaldekoak. Kaltzio, magnesio eta burdinadun metasilikatoak dira.
Anfibolen funtsezko egitura unitatea, silizio eta oxigenozko tetraedroa da (SiO4), kate bikoitz luze eran lotua. Anfibol mineral bakoitzaren formula kimikoa, kate bikoitzean eginiko aldaketa metalikoen emaitza da: RSi4O11.
Anfibol izena grezieratik dator, αμφιβολος - amphibolos, anbiguoa esan nahi duena, mineral hauek aurkezten dituzten barietate aldagarriengatik, itxura eta konposaketari dagokionez.
Oinarrizko arroka metamorfiko eta plutonikoetako mineralik ohikoenak, hornblendak eta aktinolita dira. magmatikoetako funtsezko mineralak dira eta anfibolitaren ezinbesteko osagai bat. Euren kolorea beltza edo berde iluna da eta itxura beirakara edo esnetsua dute.
Anfibol mineralak aldatu
Espezie eta barietati anitz ezberdintzen dira. Garrantzitsuenetako batzuk, honako hauek dira:
- Antofilita (Mg,Fe)7Si8O22(OH)2
- Tremolita Ca2Mg5Si8O22(OH)2
- Aktinolita Ca2(Mg,Fe)5Si8O22(OH)2
- Kummingtonita Fe2Mg5Si8O22(OH)2
- Grunerita Fe7Si8O22(OH)2
- Hornblenda Ca2(Mg,Fe,Al)5(Al,Si)8O22(OH)2
- Glaukofana Na2(Mg,Fe)3Al2Si8O22(OH)2
- Riebeckita Na2Fe2+3Fe3+2Si8O22(OH)2
- Arfvedsonita Na3Fe2+4Fe3+Si8O22(OH)2
- Krozidolita Na2Fe2+3Fe3+2Si8O22(OH)2
- Richterita Na2Ca(Mg,Fe)5Si8O22(OH)2
- Pargasita NaCa2Mg3Fe2+Si6Al3O22(OH)2
