Ana Curra
Ana Curra (El Escorial, 1958ko abenduaren 29a -) movida madrileña izenekoan ospea hartu zuen abeslari, teklista eta konpositore espainiarra da.
| Ana Curra | |
|---|---|
 | |
| Bizitza | |
| Jaiotza | San Lorenzo de El Escorial, 1958ko abenduaren 29a (65 urte) |
| Herrialdea |  Espainia |
| Jarduerak | |
| Jarduerak | abeslaria |
| Musika instrumentua | giltzadia ahotsa |
       | |
Biografia aldatu
Ana Isabel Fernandez zuen jatorrizko izena eta, pianoa jotzeaz gain, farmaziako ikasketak egiten hasia zen.
Musika ibilbidea aldatu
Musikan hasi zenetik, hainbat taldetan aritu da.
Alaska y los Pegamoides aldatu
Olvido Gara (Alaska) ezagutu zuen Pentagrama aretoan eta 1979an Alaska y los Pegamoideseko teklatuaz arduratu zen. Talde honetan ezagutu zuen Eduardo Benavente, bere bikote izango zena.
Paralisis Permanente aldatu
Pegamoidek apartatu eta Eduardok Paralisis Permanente sortu zuenean, gonbidatutako artista gisa hartu zuen parte talde berrian, beranduago bere presentzia ohiko bihurtu zelarik.
1982an lehen maxisinglea grabatu zuen, Los celos se apoderan de mi. Lan honetan berak jarri zituen ahotsa eta teklatuak eta, bere bikotekideak, berriz, gainontzeko instrumentuak jo zituen, koroak egin eta ekoizpenean parte hartzeaz gain.
Nacho Canut Dinaramara alde egin zuenean, Ana erabat integratu zen Paralisis Permanente taldean eta El acto LP-a editatu zutenean (taldearen disko bakarra izan zen), abestien erdiak berak konposatutakoak ziren. Espainiako afterpunk edo postpunk munduan Ana Curraren izena oso ezaguna egin zen.
Baina, ez zuten asko iraun garai onek. 1983ko maiatzaren 14an Leonetik Zaragozara zihoan banda, kontzertutik kontzertura. Euria goitik behera, Eduardo, Ana eta Toti zihoazen kotxeak istripua izan zuen Errioxako Alfaro inguruan. Eduardo Benavente segituan hil zen bere 20 urteko bizitza betiko itzalduz. Ana Curra ospitalera eraman zuten eta Totik ez zuen ezer asko izan. Zaragozan berehala jakin zuten albiste latz hura, Alaska y Dinaramak bere aktuazioa bukatu eta gutxira.
Seres Vacios aldatu
Errekuperatu ondoren, Ana Currak Seres Vacios sortu zuen
1985ean, La Fronteran hartu zuen parte Jose Battagliorekin batera eta 4 maxi atera zituzten: Una noche sin tí, Volveré, Lágrimas y Lágrimas (bertsio instrumentala).
1987an Volviendo a las andadas diskoa editatu zuen eta handik bi single atera ziren: Rien de rien eta En esta tarde gris.
Beste lan batzuk aldatu
Beste elkarlan batzuk ere egin zituen eta 1989an Alaska y Dinaramarekin Quiero ser santa aurkeztu zuten, Paralisis Permanenteren abestia.
1993an Toti Árbolesi egindako omenaldi batean (gaindosiaz hil zen) kontzertu pare batean hartu zuen parte.
Agertokietatik alde egin badu ere, ez du sekula musika utzi eta piano irakasle da El Escorialeko kontserbatorioan.
2023ko udazken hasieran Bilbon parte hartu zuen Bime – All About Music And More ekitaldian. WebBIME munduko musikako profesionalen topagunea da, ez bakarrik aurrez aurre, birtualki ere bai.[1]
Kanpo estekak aldatu
- Ana Curraren webgunea
- Ana Curra eta Eduardo Benavente La Edad de Oro programan-Youtube
- Ana Curra Jesús Ordovási eginiko omenaldian
- ↑ (Gaztelaniaz) Esteban, Iñaki. (2023-09-27). «Ana Curra y Jorge Ilegal hablarán cara a cara sobre el negocio musical en BIME» El Correo (Noiz kontsultatua: 2023-09-29).