Altria
Altria Group, Inc. (lehen Philip Morris Companies Inc.) tabako-produktuetan espezializatutako nazioarteko enpresa bat da. Egoitza nagusia New Yorken dago, eta operazio-egoitza Lausanan.
| Altria | |
|---|---|
 | |
| Datuak | |
| Mota | multinazionala eta kapital irekiko enpresa |
| Jarduera sektorea | Elikagaien industria eta tobacco industry (en)  |
| Herrialdea | Ameriketako Estatu Batuak |
| Jarduera | |
| Honen parte | S&P 500 |
| Eskumendekoak | Philip Morris USA (en) , John Middleton Co. (en) , U.S. Smokeless Tobacco Company (en) eta Chateau Ste. Michelle (en) |
| Enplegatuak | 9.900 |
| Ekoizpena | |
| Agintea | |
| Egoitza nagusi | |
| Legezko forma | kapital irekiko enpresa |
| Zeren jabe | |
| Ekonomia | |
| Diru-sarrerak | 25.096.000.000 $ (2022) |
| Irabazi garbia | 5.764.000.000 $ (2022) |
| Ustiapen-mozkina | 11.919.000.000 $ (2022) |
| Balore-burtsa | New Yorkeko burtsa |
| Historia | |
| Sorrera | 1985 |
| Sortzailea | |
| Sorlekua | Londres |
| Aurrekoak | UST Inc. (en) |
| Jasotako sariak | |
webgune ofiziala  | |
Munduko bigarren tabako-ekoizle nagusia, Txinako monopolioa duen China National Tobacco Corporation enpresaren ondoren. 1981 eta 2004 bitartean, produkzio-bolumena 249.000 milioi zigarretatik 761.000 milioira pasatu zen. Eta 2010ean, 899.000 milioi zigarreta saldu zituen munduko 160 estatutan.
Markak aldatu
Philip Morris Internationalen marka nagusiak hauek dira: Marlboro, L&M, Bond Street, Philip Morris, Chesterfield, Fortune, Parliament, Sampoerna A, Lark, Morven Gold, Dji Sam Soe, Next, Optima, Red & White, Muratti, Diana, Merit, Sampoerna Hijau, Champion, Virginia Slims, Apollo-Soyuz, Hope, Delicados, Longbeach.
Historia aldatu
Philip Morrisek Londresen tabako-denda bat zabaldu zuen 1847. urtean. Haren ondorengoek Philip Morris & Co. Ltd sozietatea sortu zuten 1885ean. Hurrengo urteetan, enpresak Estatu Batuetako bazkideak hartu zituen, eta Richmonden, Virginian, jarri zuen egoitza. Marlboro markarekin asko handitu zen enpresa. Ondoren, Philip Morrisek marka berriak osatu zituen: Benson&Hedges, Chesterfields eta Virginia Slims. XX. mendearen bukaeraz geroztik, Estatu Batuetan eta Europan tabakoaren kontra izan diren kanpainak direla eta, nekazaritza-gaien eremura zabaldu zen Philip Morris konpainiaren jarduera.
1969an, Miller garagardo-marka hartu zuen, eta 1978an Seven Up edaria. 1984an, taldeak General food erosi zuen (Maxwell kafea, Malabar eta Krema gozotegiak, Hollywood txikleak). 1988an, berriz, Kraft enpresa hartu zuen, eta, horri esker, bere negozioen erdiak baino gehiago elikagaien sektorera pasatu zituen. Hala ere, tabakoa zuen jarduerarik errentagarriena, batez ere, Ekialdeko Europako herrialdeen merkatua zabaldu zenean.
2003an, Philip Morris Companies Inc. enpresak izena aldatu zuen, eta Altria Group, Inc. bihurtu zen. 2008ko martxoaren 28an, Altria Group-ek Philip Morris International konpainia sortu zuen. Dena den, Philip Morris International-ek ez du jarduten Estatu Batuetan, han Philis Morrisen markak, oraindik ere, Altria Group-en mende baitaude.