2019ko Junior Eurovision Abesti Lehiaketa

2019ko Junior Eurovision Abesti Lehiaketa
Finala	Azaroaren 24, 2019
Egoitza	Gliwice Arena, Gliwice
Aurkezlea(k)	Ida Nowakowska; Aleksander Sikora; Roksana Węgiel
Antolatzailea	Telewizja Polska (TVP)
Partaide kopurua	19
Irabazlea	"Superhero"; Viki Gabor; Polonia
← Minsk 2018	Varsovia 2020 →

2019ko Junior Eurovision Abesti Lehiaketa edo Junior Eurovision 2019 (ofizialki ingelesez Junior Eurovision Song Contest 2019, frantsesez Concours Eurovision de la Chanson Junior 2019, polonieraz Konkurs Piosenki Eurowizji dla Dzieci 2019 eta silesieraz Ojrowizyjŏ Junior 2019) urtero ospatzen den Junior Eurovision Abesti Lehiaketaren hamazazpigarren edizioa izan zen. Gliwiceko Gliwice Arena aretoan ospatu zen, Polonian, azaroaren 24an.

Garailea Poloniako Viki Gabor izan zen, "Superhero" abestiarekin. Poloniaren bigarren garaipena izan zen. Lehen aldiz irabazi zuen herrialde batek ondoz ondoko edizioetan, eta lehen aldiz irabazi zuen herrialde antolatzaileak etxean.

Hemeretzi herrialdek hartu zuten parte guztira. Azerbaijan eta Israel erretiratu egin ziren eta Espainia hamabi urteko eten baten ostean itzuli zen.

Kokapena aldatu

Gliwice Arena, lehiaketaren egoitza.

Poloniaz gain, Armenia eta Kazakhstanek jaialdiaren egoitza izateko interesa adierazi zuten. Baina, azkenik, jaialdiaren azken edizioa irabazi zuen Polonia (Roksana Węgiel-ri esker "Anyone I Want to Be" abestiarekin) aukeratu zuen Europako Irrati-Telebista Batasunak (EBU) herrialde antolatzaile bezala. Polonian, zazpi hirik aurkeztu zuten hautagaitza lizitazio prozesuan: Gdańsk, Gliwice, Katowice, Krakovia, Łódź, Szczecin eta Toruń. EBU eta TVP poloniar telebista publikoak Gliwice aukeratu zuten; bertako Gliwice Arena aretoan 17,178 pertsona sar daitezke.

Lehiaketa aldatu

Europako Irrati-Telebista Batasunak uztailaren 18an eman zen ezagutzera behin-betiko partaide zerrenda. 16 herrialde sortzaileetatik, sei izan ziren edizio honetan parte hartu dutenak: Bielorrusia, Espainia, Herbehereak, Malta, Ipar Mazedonia eta Polonia.


Ordena	Herrialdea	Hizkuntza	Artista	Abestia	Euskarara itzulpena	Postua	Puntuak
01	Australia	Ingelesa	Jordan Anthony	"We Will Rise"	Altxatuko gara	8	121
02	Frantzia	Frantsesa, Ingelesa	Carla	"Bim Bam Toi"	Bim Bam Zu	5	169
03	Errusia	Errusiera, Ingelesa	Tatyana Mezhentseva & Denberel Oorzhak	"A Time For Us"	Guretzako denbora	13	72
04	Ipar Mazedonia	Mazedoniera, Ingelesa	Mila Moskov	"Fire"	Sua	6	150
05	Espainia	Gaztelania	Melani García	"Marte"	—	3	212
06	Georgia	Georgiera, Ingelesa	Giorgi Rostiashvili	"We Need Love"	Maitasuna behar dugu	14	69
07	Bielorrusia	Errusiera, Ingelesa	Liza Misnikova	"Pepel'nyy (Ashen)" (Пепельный)	Errauts	11	92
08	Malta	Ingelesa, Maltera	Eliana Gomez Blanco	"We Are More"	Gehiago gara	19	29
09	Gales	Galesa	Erin Mai	"Calon yn Curo"	Bihotz taupadak	18	35
10	Kazakhstan	Kazakhera	Yerzhan Maksim	"Armanyńnyan Qalma" (Арманыңнан қалма)	Ez galdu ametsik	2	227
11	Polonia	Poloniera, Ingelesa	Viki Gabor	"Superhero"	Superheroi	1	278
12	Irlanda	Irlandera	Anna Kearney	"Banshee"	—	12	73
13	Ukraina	Ukrainera, Ingelesa	Sofia Ivanko	"The Spirit of Music"	Musikaren espiritua	15	59
14	Herbehereak	Nederlandera, Ingelesa	Matheu	"Dans Met Jou"	Zurekin dantzatu	4	186
15	Armenia	Armeniera, Ingelesa	Karina Ignatyan	"Colours of Your Dream"	Zure ametsaren koloreak	9	115
16	Portugal	Portugesa, Ingelesa	Joana Almeida	"Vem comigo (Come with Me)"	Zatoz nirekin	16	43
17	Italia	Italiera, Ingelesa	Marta Viola	"La voce della Terra"	Lurraren ahotsa	7	129
18	Albania	Albaniera	Isea Çili	"Mikja ime fëmijëri"	Nire haurtzaroko laguna	17	36
19	Serbia	Serbiera, Ingelesa	Darija Vračević	"Podigni Glas (Raise Your Voice)" (Подигни глас)	Altxa zure ahotsa	10	109