2010eko Moskuko metroko atentatuak

Moskuko metroko atentatua
	Bi leherketako gertaturiko metroko mapa.
Lekua	Mosku (Errusia)
Data	2010-03-29 7:56 MSD eta 8:39 MSD (UTC+4)
Mota	Eraso suizida
Arma	RDX lehergailuak
Kalteak	40 hildako; 102 zauritu
Erasotzaileak	Txetxeniar terroristak; Al Kaida
Partehartzaileak	2 emakume

2010eko Moskuko metroko atentatuak 2010eko martxoaren 29an Moskuko metroaren aurkako eraso terrorista suizidak izan ziren.^[2] Bi emakume terroristek gauzatu zituzten bi leherketa-suizida. Lehenengo leherketa Lubianka geltokian izan zen eta bigarrena Park Kulturi-Radialnaia geltokian. 40 pertsona hil ziren.

Gertakariak aldatu

Lehenengo leherketa Lubianka geltokian gertatu zen goizeko 7:56etan (3:56 UTC) eta bigarrena 8:38 inguruan. Beranduago, 10:04etan telefono publiko batetik egindako dei batek beste leherketa bat iragartzen zuen Begovaia geltokiko langileen aurka, baina ondoren frogatu zen faltsua izan zela.^[3]

Leherketak eraso suizidak izan ziren. RDXez osatutako etxean egindako lehergailuekin. Lehergailuak errailetan jarri zituzten eta bi emakume terroristek telefono mugikor baten bitartez lehergailuak aktibatu zituzten trena iristear zegoenean. Emakumeek lehergailuak sabelera lotuta zituzten. Lehenengo lehergailuak 4 kg TNTko indarra zuen eta bigarrenak 2 kg-koa. Era honetako erasoak gauzatzen dituzten emakume txetxeniarrek "alargun beltz" izena hartzen dute. Aurretik Moskuko metroan eta Beslamgo eskolako sarraskian.^[4] Erasoa lan-egun bateko bidaiari kopuru handia zegoen orduan gertatu zen.

Herritartasuna	Hildakoak	Zauritutakoak
Errusia	33	86
Tajikistan	2	-
Ukraina	1	-
Malaysia	-	1
Filipinak	-	1
identifikatzeke	4	0
Guztira	40	88

Ondorioak aldatu

Errusiako gobernuak segurtasun neurri zorrotzak ezarri zituen herrialde osoan zehar, bereziki metro sistema zuten hirietan. Inteligentzia zerbitzuen arabera bi emakume txetxeniar izan ziren atentatuaren egileak, baina Al Kaidak ere lagundu zuen atentatuan aurrera eramateko laguntzen.^[1] Bien bitartean, Errusiar Federazioko Fiskaltzak ikerketa kriminalak hasi zituen terrorismo ekintzengatik. Egun batzuk beranduago Kaukasoko Emiratoko terroristen buruak atentatuak bere gain hartu zituen.