Éric Tabarly
Éric Tabarly (Nantes, 1931ko uztailaren 24a - 1998ko ekainaren 12an Irlandako itsasoan desagertua) Bretainiako itsasgizona izan zen.
| Éric Tabarly | |
|---|---|
 | |
| Bizitza | |
| Jaiotzako izen-deiturak | Éric Marcel Guy Tabarly |
| Jaiotza | Nantes, 1931ko uztailaren 24a |
| Herrialdea |  Frantzia |
| Heriotza | Irlandako itsasoa, 1998ko ekainaren 12a (66 urte) |
| Heriotza modua | istripuzko heriotza: itotzea |
| Familia | |
| Ezkontidea(k) | Jacqueline Tabarly (en)  |
| Seme-alabak | ikusi
|
| Anai-arrebak | ikusi
|
| Familia | ikusi
|
| Hezkuntza | |
| Heziketa | École Navale (en) Q2974825 |
| Hizkuntzak | frantsesa |
| Jarduerak | |
| Jarduerak | Officer of the French Navy (en) , estropadalaria eta itsasturia |
| Jasotako sariak | |
| Kidetza | Académie de Marine (en) |
| Zerbitzu militarra | |
| Adar militarra | Frantziako Itsas Armada |
| Gradua | capitaine de vaisseau (en) |
| Parte hartutako gatazkak | Indotxinako Gerra |
    | |
 | |
Itsas Eskolan ingeniari ikasketak egin zituen eta teniente izan zen itsas armadan (1966). 1964-1971 urteen bitartean Gazteria eta Kirolen ministro izan zen. 1982an fragatako kapitain izendatu zuten, 1988an itsasontziko kapitain eta 1990ean Itsas Akademian sartu zen. Hainbat bidaia egin zituen Pen Duick ontziarekin; horien artean aipagarria da Plymouth-Newport bidea, hogeita zazpi egunetan bakar-bakarrik egin zuena. 1976an bide hori bera hogeita hiru egunetan egin zuen. Ozeano Barea zeharkatzeko bidaian txapeldun izan zen 1969an, eta Los Angeles-Tahiti bidaian ere garaile izan zen 1972an. Munduko birako lehiaketan parte hartu zuen 1974an. 1968an trimaran bat eraiki zuen: Pen Duick IV. 1980an abiadura-errekorra eskuratu zuen, hamar egun eta hamalau minututan zeharkatu baitzuen Atlantikoa. Itsasoan egin zituen bidaietan oinarrituta hainbat lan idatzi zituen: Victoire en solitaire (1964, Bakarkako garaipena), De Pen Duick en Pen Duick (1970), Du Tour du monde à la Transat (1976, Munduko biratik Transtera), Histoire d´un record ou l´Atlantique en 10 jours (1981, Errekor baten historia edo Atlantikoa 10 egunetan) eta Pen Duick (1990).
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q288394
Multimedia: Éric Tabarly / Q288394
