Xamax

Shamash (Utu sumeriarrentzat), eguzkiaren eta justiziaren jainkoa zen mesopotamiako mitologian. Bere santutegi nagusia, Sippar hirian zegoen.

Grabatua Hammurabi Kodean, non Shamash jainkoa irudikatzen den, babiloniar konkistatzailearen aurrean. Justiziaren jainko bezala, Shamashek, Hammurabiri, gizakiek jarraitu beharreko legeak ematen dizkio.

Sumeriar garaian, bere santutegi nagusia, Larsa hirian zegoen. Garai honetan, Nannar eta Ningalen semetzat eta Inanna eta Ishkurren anai-nebatzat hartzen zen. Akadiar garaian, Sin eta Ishtarrekin batera "Harreman zerutiardun jainkoen hirukoa" zen. Akadiar eta babiloniarrek, Shamash, Anuren semetzat hartzen zuten, edo, beste batzuetan, Enlilena.

Batzuetan, bere emazte Sheridarekin agertzen da (Aya akadiar eta babiloniarrentzat). Zortzi puntako eguzki diska batekin, edo, sorbaldetatik, su garrak jariatzen zituen giza irudi baten bidez irudikatzen zen; ondorengo garaian, bere ikurra, balantza ere izan zen. 20 zenbakiarekin identifikatzen zen.