'''Cepheus''' (edo '''Zefeo'''<ref>{{erreferentzia|izenburua=173. Astroen izenak|argitaletxea=Euskaltzaindia|orrialdea=19|hizkuntza=eu|url=https://www.euskaltzaindia.eus/dok/arauak/Araua_0173.pdf|atala=Konstelazioak (88 konstelazio ofizialak)}}</ref><ref group="oh">Euskaltzaindiaren [https://www.euskaltzaindia.eus/dok/arauak/Araua_0173.pdf 173. arauak] honako hau gomendatzen du: "Euskaraz, konstelazioen izenak adierazteko, komeni da nazioarteko formak —latinezko grafia— erabiltzea, hainbat komeniago testuak zenbat eta teknikoago edo jasoago izan. Nolanahi ere, latinezko izenen itzulpenak edo egokitzapenak ere —azalpen-izenak— erabil daitezke, bigarren mailan, testu didaktikoetan edo azalpen gisa".</ref> —{{lang-la|Cepheus}}— Ipar hemisferioko konstelazio bat da. Mitologia grekoko [[Zefeo]] [[Etiopia]]ko erregea irudikatzen du, [[Kasiopea]]ren senarra eta [[Andromeda]]ren aita. [[Klaudio Ptolomeo|Ptolomeok]] II. mendean deskribatutako 48 konstelazioetako bat da, eta gaur egungo 88 konstelazioetako bat ere bai.
Astronomiarako bereziki interesgarriak diren bi izar aldakor ditu. Batetik, Delta Cephei; izarra zefeiden prototipoa da. Zefeidak oso periodo erregularreko distira-aldaketa duten izarrak dira, eta oso baliagarriak dira distantziak kalkulatzeko. Bestetik, Beta Cephei; gainazalean pultsuak izatearen ondorioz argitasun-aldaketak dituen izar aldakor mota baten ordezkaria da.
