|
|
|
|harremana= [[Bantu]] herriak
}}
'''Xhosa'''<ref>{{EuskaltzArauErref|arau-zk=90|arau-izenb=Munduko herriak eta etniak}}</ref> ({{lang-xh|amaXhosa}}, {{IPA|kǁʰɔ́ːsa}} ahoskatua) [[Hegoafrika]]ko herria, [[nguni]] taldekoa. Xhosak 3,5 milioi biztanle dira (1991) eta bantu hizkuntza multzoko [[xhosera|xhosa hizkuntzaz]] mintzo dira. [[Lurmutur Ekialdea]], [[Lurmutur Mendebaldea]], [[Gauteng]], [[Estatu Askea]] eta [[KwaZulu-Natal]] probintzietan bizi dira. Nekazaritza eta abere hazkuntza dute bizibide. Xhosa, pondo, tenbu eta fingo tribuek osatzen dute xhosa herria. [[Monarkia]] zen haien antolamendu politikoa eta erregearen leinuko kideek zuten aginpidea. Iparraldetik etorribertaratu ziren, eta XVI. mendean [[Uzinburu]] eta [[Great Fish River]] ibaien inguruan hartu zuten bizilekua. XVI-XVIII. mendeetan merkataritza harremanak izan zituzten [[musulman]]ekin, eta haiek jarri zieten ''kafre'' izena jarri zieten. 1775ean hegoaldetik etorritako [[boer]]rek xhosen lurrak mendean hartzen hasi ziren eta horrek eragin zituen «kafreen gerrak» deiturikoak. 1817tik 1841era misiolari [[Metodismo|metodistak]] xhosak kristautzen ari izanjardun ziren. 1856an xhosek bere azienda guztia hil zuten, hildako animalien arimek gizon zuriak itsasora botako zituztelakoan; horren ondorioz, gosete izugarria sortu zen, biztanleriaren erdia hil zen, eta xhosa askok hirietara eta [[meategi]]etara joan behar izan zuen lanera. XX. mendean, [[apartheid]] erregimenaren mende, beren kultura eta ohiturak zeharo galdu zituzten xhosek. Gaur egun xhosaEgun, Hegoafrikako talderik zapalduenetako bat da.
== Erreferentziak ==
|
