'''Protozooak''' ([[greziera]]z ''proto'' = ''lehena'', ''zoo = animalia'') [[protisto|protista]] erreinuko izaki bizidunak dira, [[eukarioto]] [[zelulabakar]]rak.
Protozooak kizkurberak eta [[heterotrofo]]ak dira, ez dute [[klorofila]]rik, ugalketa asexuala ([[mitosiErdibitze|erdibiditze]]a) edo sexualaren bidez ugaltzen dira, eta, beren zikloko uneren batean, [[sexu ugalketa|sexu]] bidez ere ugaltzen dira. Beren neurria 20 eta 30 [[mikrometro (unitatea)|mikra]] artekoa da, [[bakterio]]ak baino handiagoak; beraz, mikroskopioz baino ezin daitezke ikusi. [[Zelula mintz]]az, [[zitoplasma]]z eta nukleoz osatuta daude. Ez dute egiazko [[ehun (biologia)|ehunik]]. Zitoplasman [[mitokondrio|mitokondriak]], [[Golgi aparatu|Golgiren aparatua]], [[ergastoplasma]], hornidura gaiak ([[lipido]]ak, [[protido]]ak, eta [[karbono hidrato|gluzidoak]]) eta [[bakuolo|bakuola]] taupakariak nahiz kizkurberak dituzte. Nukleoak nukleo mintza, [[nukleolo]]ak eta [[kromosoma]]k ditu. Protozooak [[zilio]], [[flagelo]] nahiz [[pseudopodo]]en bidez mugitzen dira. Elikadura [[osmosi]], [[fagozitosi]] edo [[pseudopodo]]en bidez lortzen dute. Pseudopodo horiek aho antzeko egitura bat dute, [[zitostoma]] deritzana. Iraitzi, berriz, bakuolen bidez egiten dute. Itsasoan eta ur-gezetan bizi dira.
Protozooak higitzeko moduaren arabera sailkatuak izan dira:
