Orno: berrikuspenen arteko aldeak

'''Ornoak''' [[bizkarrezur]]ra osatzen duten hezur irregularrak dira. [[Giza gorputz]]ean guztira 33 daude, sakroa eratzeko fusionatu diren bostak (besteak ornoarteko diskoen bidez banatuta daude) eta uzkornoa eratzen duten lau orno kokzigeoak barne. Goiko partean beste 24 ornoak ditugu hiru eskualdetan sailkaturik: 7 ''zerbikal'', 12 ''toraziko'' eta 5 ''lunbar''. Orno kopurua ez da normalki aldatzen, eta oso arraroa izaten da orno zerbikalen kantitatea aldatzea.

Lehen eta bigarren ornoak (''atlas'' eta ''axis'') izan ezik, ''orno mugikorrek'' (goi eskualdekoek) antzeko egitura aurkezten dute. Eredutzat hartzen den ornoa normalean toraxaren erdialdeko bat izan ohi da (T6).

Somaren tamaina mailaz maila handituko da, azken orno lunbarra (L5) garaiena izanik. Gainean ornoarteko diskoa du. Bere eginkizun nagusia gorputzaren pisua jasatea da.

=== Orno zerbikalak ===

Guztira 7 [[orno zerbikal]] ditugu. Txikiak eta delikatuak, oso antzekoak dira beraien artean [[atlas]] (C1) eta [[axis]] (C2) izan ezik. Orno prominentea ere berezitzat har daiteke (C7), ezten apofisia beste orno zerbikalek baino askoz luzeagoa baitu.

=== Orno torazikoak ===

12 dira guztira. Beraien ezten apofisia ohikoa baino txikiagoa da eta soma eta giltzadura apofisi tartean karillak ditu, saihetsak giltzatzeko.

=== Orno lunbar ===

5 guztira, gorputzeko ornorik sendo eta handienak dira. Gorputzeko pisua aguantatzen dute.

=== Sakro hezurra ===

5 ornoren elkartea. Helduaroan batu egiten dira eta ez dute ornoarteko diskorik.

=== Uzkornoa ===

3 eta 5 ornoez osaturiko hezurra da, sakroan bezala ornoarteko diskorik gabe. Animalia askok orno gehiago dituzte, [[buztana]] eratuz.

== Ikus, gainera ==