Sua piztu zen egunean bertan [[Gipuzkoako Foru Aldundia|Gipuzkoako Foru Aldundiak]] [[Irun]], [[Zarautz]] eta [[Legazpi|Legazpiko]] [[Suhiltzaile|suhiltzaileak]] mobilizatu zituen [[Endarlatsa]] ingurura, suteari aurre egiteko. Lehen orduetan ez zuten arrakasta handirik edukiizan, egoera meteorologikoa etsai, ezin izan zituztelako helikopteroak mobilizatu. Suteak handitzen jarraitu zuenez, Irungo [[Bidasoa (Irun)|Bidasoa]] auzoko hogei bat baserri ebakuatu ziren eta [[N-121|N-121 errepidea]] moztu zen. Nafarroako Foru Aldundiak ere suhiltzaileak mobilizatu zituen eta Ibardingo zenbait etxebizitza hustu zituen. Nafarroan, suak Bera eta Lesakako udal lurretan eragin zuen gehienbat. Nafarroako Gobernuak Baso Suteetarako Larrialdi Planaren 2. maila aktibatu behar izan zuen eta [[Larrialdi Unitate Militarra|Espainiako Larrialdi Unitate Militarrari]] dei egin behar izan zien, sutea itzaltzen lagun zezaten. Lapurdin ere suhiltzaileek parte hartu zuten suaren itzalketan, bereziki [[Larhun]], [[Xoldokogaina]] eta [[Ibardin]] aldean.<ref name=":0" />
