?? '''Irabazteko asmorik gabeko erakundea''' edo '''irabazi-asmorik gabeko erakundea''', bere superabitaren dirua jabeen edo akziodunen artean banatu beharrean bere helburuetarako erabiltzen duen [[erakunde]]a da.<ref>''The Nonprofit Handbook: Everything You Need to Know to Start and Run Your Nonprofit Organization'', Gary M. Grobman, White Hat Communications, 2008.</ref> Irabazteko asmorik gabeko erakundeen adibide ditugu [[ongintzako erakunde]]ak, [[mutualitate]]ak, [[sindikatu]]ak edota [[fundazio (argipena)|fundazioak]]. Gobernu gehienek eta gobernu erakunde gehienek betetzen dute definizio hori, baina herrialde gehienetan bestelako erakundetzat hartzen dituzte, eta ez dituzte irabazteko asmorik gabeko erakundetzat zenbatzen. Herrialde gehienetan, irabazteko asmorik gabeko erakundeak salbuetsita daude [[pertsona Fisikoen Errentaren gaineko Zerga|errentaren gaineko zerga]] eta [[ondasunen gaineko zerga]] ordaintzetik.
