Nabarreriako Gerra: berrikuspenen arteko aldeak

'''Nabarreriako Gerra''' [[Nafarroako Erresuma]]ko gerra zibila izan zen, zenbait alderdiren arteko tirabirak zirela kausa gertatutakoa. [[Henrike I.a Nafarroakoa|Henrike I.a]] hiltzean oinordeko alaba txiki bat baino utzi ez zuela hasi ziren liskarrak azaleratzen. Aldameneko erresumek eskua sartu nahi izan zuten, Nafarroan norberaren aldeko eta kontrakoen arteko desadostasunak zabalduz. Azkenean, [[Iruñeko burguak|Iruñeko burguen]] arteko liskar zaharrek piztuta, matxinada eta [[Frantziako Erresuma|Frantziako]] armadaren interbentzioa gertatu ziren. Ondorioz, [[Nabarreria]] guztiz suntsiturik gelditu zen.

 

Henrike I.aren heriotzak ([[1274]]) ondorengotzan krisia eragin zuen: urte eta erdiko alaba, [[Joana I.a Nafarroakoa|Joana]], utzi zuen, [[Zuria Artoiskoa]] amaren zaintza eta agindupean harik eta Joanak 12 urte bete eta ezkondu arte. Gobernatzaile [[Petri Antso Monteagudokoa]], [[Cascante]]ko jauna, izendatu zuten.