Kemi: berrikuspenen arteko aldeak

Botniako golkoak kostaldeko hiriaren azalera ehuneko handia hartzen du: %86,2. Dena den, itsasoa ez da Kemiko ur-eremuaren erantzule bakarra; ur gaziko 644,53 km²-ez gain, tamaina txikiko aintzirek eta ibaiek ere azalera hori osatzen baitutedute. Aintzira hauen artean daude, besteak beste, Ahvenjärvet laku-multzoa, Takalahti txikia eta izen bereko auzoaren bihotza den Takajärvi. Botniako badiako urak zikin zeuden garaian, kemiarrek Takajärviko hareatzetara joateko ohitura hartu zuten eta gaur egun udako egun epel eta atseginetan aintzira herritarrez betetzen da. Hiria zeharkatzen duten ibaiak, bestalde, Vähä Ruonaoja meharra eta Lappi ipar-ekialdetik hego-mendebaldera bitan zatitzen duen [[Kemi (ibaia)|Kemijoki]] ospetsua dira. Kemi ibaia edo Kemijoki [[Errusia]]ren mugan dagoen [[Urho Kekkonen Parke Nazionala|Urho Kekkonen Parke Nazionalean]] sortu, [[Rovaniemi]] hiriburutik igaro eta Kemin itsasoratzen da; guztira, 552 km-ko ibilbidea du. Finlandiako eta eskualdeko historian garrantzi handiko ibaia da, mendeetan iparraldeko garraiobide nagusia izan baita. Hala nola, [[Ekialdeko Lappi]]ko basoetako enborrak Kemijokiren uretan zehar iristen ziren Botniako badiaraino. Hiriak ere, bere izena ibaiari zor dio.

Kemi ibaiaren itsasadarra ehunka uharte eta irla txikik betetzen dute. Urtaroaren arabera itsas-maila aldatzen denez eta noizbehinka harkaitz berriak ere azaleratzen direnez, zaila da uharteen kopuru zehatza ematea. Dena den, udalerriaren azaleran, gutxi gorabehera berrehunen bat zenbatu dituzte. Gutxi batzuetan etxeak eta azpiegiturak ere aurki daitezke, sasoia bertan igarotzen duten udatiarrak baitaude. Uharte handi eta garrantzitsuenen artean daude, besteak beste, [[Kemiko portua|portua]] dagoen [[Ajos]], hiritik gertu dauden [[Pajusaari]], [[Kuivanuoro]], [[Sotisaari]] eta [[Veitsiluoto]], udako etxe asko dauden [[Selkäsaari]], eta Botniako Badiako Parke Nazionala osatzen duten [[Iso-Huituri]] eta hegoaldeko muturrean dagoen [[Selkä-Sarvi]]. Azkenik, aipatzekoa da antzina uharte bat izan zen eta gaur egun udalerriko hirigunea den [[Sauvosaari]].

Hain zuzen ere, Botniako badian dago Kemiko parke nazional bakarra dago:

* '''[[Botniako Badiako Parke Nazionala]]''': Kemi eta Tornio artean dagoen 157&nbsp;km²-ko parke nazionala da. Udalerrien kanpoko uhartediak osatzen du natura erreserba eta 1991. urtean sortu zen bertako ingurunea eta historia babesteko asmoz. Uharteak [[Azken glaziazioa|Azken Izotz Aroaren]] ondorioz sortu ziren, zaharrenek 1000 urteko adina dute, eta handienak Iso-Huituri, Maa-Sarvi eta Selkä-Sarvi dira, aspalditik arratzaleen egonleku direnak. Azken horretan, hain zuzen, XVI. mendeko herrixka baten aztarnak ikus daitezke oraindik. Gosete garaian 300 biztanle izatera ere iritsi omen zen uhartea, hala ere, motordun itsasontziak sortu zirenetik uharteek ez dute biztanle egonkorrik. Parke nazionalean zehar askatasunez nabigatu daiteke, baina [[itsas txakur gris]]ak babesteko eremu bat dago Möyly uhartearen inguruan. Naturazaleak itsasoan ibiltzeko, animaliak ikusteko eta arrantzatzeko gerturatzen dira bertara eta, [[Metsähallitus]] erakundearen arabera, 2019an parkeak 6.500 bisitari jaso zituen<ref>[https://www.metsa.fi/vapaa-aika-luonnossa/kayntimaarat/kayntimaarat-maastossa/ "Käyntimäärät kansallispuistoittain 2019"]. ''Metsähallitus''. 2020.07.10</ref>.