Hewlett-Packard: berrikuspenen arteko aldeak

'''Hewlett-Packard''' hornigai elektronikoen fabrikatzailea. [[Palo Alto (Kalifornia)|Palo Alton]] ([[Kalifornia]], [[Ameriketako Estatu Batuak|Estatu Batuak]]) du egoitza nagusia. Konpainiaren zeregin nagusia informatika, analisi eta neurri-sistema eta produktu elektronikoak diseinatzea, egitea eta haiek behar bezala zaintzeko zerbitzua eskaintzea da. Hewlett-Packardek (HP) 100.000 produktu baino gehiago eskaintzen ditu, eta fabrikak, ikerketa eta garapenerako zentroak, biltegiak eta administrazio-egoitzak ditu 100 herrialde baino gehiagotan. Ordenagailu edo konputagailuen eta haiekin zerikusia duten produktu eta zerbitzuen salmentak diru-sarrera guztien % 70 inguru hartzen du.

 

[[Fitxategi:HP Mini 1000.jpg|thumb|]]

1990ean Youngek, irabazien galerari eta produktu berriak merkaturatzeko atzerapenei aurre hartu nahirik, David Packard sortzailearengana jo zuen, artean Kontseiluko Lehendakari eta akzionista independente handiena baitzen. Urte horretan bertan, udazkenean, Packard eta Youngek konpainia berrantolatzeko plangintza bat iragarri zuten. Besteak beste, gastu-murrizketa, borondatezko kaleratzeak eta erretiroa aurreratzeko programen hobekuntza proposatzen zuten. Gainera, ordura arteko salmenta-sail bakarra produktu mota bakoitzeko sail banatan banatu zen, eta produkzio- eta administrazio-jarduerak sendotzeko neurriak hartu zituzten, ikerkuntza eta garapenerako inbertsioak batere murriztu gabe. Youngek 1992ko urrian hartu zuen erretiroa, eta Lewis E. Plattek bete zuen haren lekua. Hewlett-Packardek garrantzi handiko lekua du mahaiko laser-inprimagailuen merkatuan. 1984an, Canon enpresarekin elkarlanean, kalitate handiko eta moduzko lehenengo mahaiko inprimagailu laserra merkaturatu zuen. 1989an inprimagailuaren 60 bertsio baino gehiago ziren arren, Asian egindakoak, HPk hobekuntza teknikoak egiten eta prezioak merkatzen segitu zuen.

== Erreferentziak ==

{{ lur | data=2011/12/26}}

 

== Kanpo estekak ==

[[Kategoria:Ameriketako Estatu Batuetako informatika enpresak]]

[[Kategoria:Silicon Valley]]