Mugimendu modernoa: berrikuspenen arteko aldeak

Europa osora zabaldu ondoren, baita [[Sobietar Errepublika Sozialisten Batasuna|Sobietar Batasunera]] ere, [[Bigarren Mundu Gerra]] baino lehentxeago, [[Ameriketako Estatu Batuak|Estatu Batuetara]] heldu zen arrazionalismoa, [[faxismo]]ak eta [[nazionalsozialismo|nazismoak]] Europatik erbestera joandako arkitektoek eramanda. Bigarren Mundu Gerraren ondoren, ordea, eta proposamen eta hizkuntza berria zen heinean, ahitu egin zen arrazionalismoa: estilo huts bihurtu zen, errepikatzen zen formula besterik ez, eta orduantxe lortu zuen mundu osora zabaltzea.

 

 

[[Arrazionalismo]]aren printzipio intelektualak, arkitektura zaharreko teorian oinarritzen dira. [[Vitruvio]]k jada adierazia zuen bere ''De Architectura'' lanean, arkitektura zientzia bat dela, eta arrazionalki uler daitekeela. Planteamendu hori [[Pizkundea|Pizkundeko]] tratatuetan jaso eta sakondu egin zen. XVIII. mendeko teoriek aurre egin zioten [[Barrokoa|Barrokoko]] edertasunkeriari, egia eta arrazoiaren edertasun klasikoaz.