[[1856|1856ko]]ko urtarrilean, [[Igorpen Bankuen Legea (1856)|Igorpen Bankuen Legea (''Ley de Bancos de Emisión'')]] onartu zen Espainian, eta bankuak sortzeko bide berriak ireki. Hori ikusita, [[Crédit Mobilier|Credit Mobilier]] Bilbon banku bat sortzeko asmotan zebilen, [[Juan Ibarra|Juan Ybarra]] enpresaburua alde zuela (Uribarrenekin batera, Labe Garaien nagusietako bat).<ref group="oh">Ibarrak interes berezia zuen horretan, Mobilierrek Mirandatik Bilborainoko burdinbide tartea egiteko promesa egin baitzuen hala eginez gero.</ref> Aldiz, frantsesen kontrako giroa zebilen hirian, eta bertako hainbat handikik akziodunen bilera bat egin zuten urte horretako apirilean, zortzi milioi euroko kapital ekarpena eginez. Aldi berean, [[Castejón-Bilbo burdinbidea|Mirandatik Bilborainoko burdinbide tartea]] onartu zen Madrilen, frantses enpresaburuei bizkarra emanez.<ref name=":0">{{Erreferentzia|izenburua=Así nació el Banco Bilbao|hizkuntza=es|data=2015-05-19|url=https://www.elconfidencial.com/mercados/2007-05-02/asi-nacio-el-banco-bilbao_842101/|aldizkaria=El Confidencial|sartze-data=2019-01-26}}</ref>
1857ko maiatzaren 8an, Espainiako Ministro Kontseiluak onartu egin zuen titularitate horretako bankuaren sorrera, Epaltza aberatsa buru zuela. Beste akziodun nabarmen batzuk ondorengoak izan ziren: Ibarra familia, Epaltza familia, Arellano familia, Urigüen, Zabálburu, Orbegozo, Ingunza, Mac Mahón, Uhagón, Aguirre, Yohn, Lund eta Mendiguren. Bankuko lehen buruak Juan Ibarra eta [[Pablo Epaltza]] izan ziren. <ref name=":0" />
