'''Fisherren frogaproba zehatza''' [[kontingentzia taula|kontingentzia tauletan]] [[independentzia (probabilitatea)|independentziarako]] [[hipotesi-frogaproba|frogaproba estatistiko]] bat da. Bereziki 2×2 tauletarako erabiltzen da, baina edozein tamainako tauletarako erabil daiteke, taula handietan kalkuluak oso luzeak badira ere. Bereziki aproposa da lagin-tamaina txikietarako; hain zuzen 2×2 tauletan gelaskaren bateko [[maiztasun teoriko]]a 5 baino txikiagoa denean, [[independentziarako khi-karratu frogaproba]]n gelaskak bateratzea ezinezkoa da maiztasun teorikoen kopurua 5etik gora bilakatzeko. Lagin-tamina handietarako frogaproba horren aukeratzat erabil daiteke. FrogaProba [[banaketa hipergeometriko]]an oinarritzen da eta taulako [[maiztasun-banaketa#Bi aldagaien baterako maiztasun-banaketa: bazter-maiztasunak|bazter-maiztasunetatik]] abiatzen da taula barruan suertatu diren maiztasunak suertatzeko probabilitatea kalkulatzeko. FrogaProba [[Ronald Fisher]] estatistikariak asmatu zuen eta berak idatziriko 1925eko ''[[Statistical methods for research workers]]'' liburuan argitaratu zen lehen aldiz.
== 2×2 tauletarako frogaproba ==
FrogakProbak bazter maiztasunak finkotzat hartu eta taulan suertatutako [[maiztasun-banaketa]]ren [[probabilitate]]a kalkulatzen du, probabilitate txikiagoa duten maiztasun-banaketen probabilitateekin batera. Ondoren, probabilitate guztiak gehitu eta ezarritako [[adierazgarritasun (estatistika)|adierazgarritasun-mailarekin]] alderatzen da emaitza, [[hipotesi nulu]]an ezarritako [[independentzia (probabilitatea)|independentzia]] onartu edo baztertzeko.
