|
Horren ostean, armadan berriz sartzea eskatu zuen, baina ukatu zioten. Armadan sartzeko itxaroten zegoen bitartean, hipoteken idazkari nagusi izan zen eta 1795an memoria batzuk idatzi zituen: ''De la Guerre et de la Paix''. Armadan berriz onartu zuten eta [[1800]]ean [[Napoleon Bonaparte]]k artilleriako jeneral izendatu eta [[Rhin]]eko armadara bidali zuen. Gero Italian borrokatu zuen, eta [[1803]]ko irailaren 5ean hil zen [[Tarento (hiria)|Tarenton]], [[Napoli]] inguruan, [[disenteria]]k eta [[malaria]]k jota.
== Obra ==
''Harreman arriskutsuak'' ([[frantses]]ez: ''Les Liaisons dangereuses'') [[Pierre Choderlos de Laclos]]ek [[1782]] urtean argitaratutako eleberria da. Choderlosek nobela epistolarra idatzi zuen, hau da, gutun bidezkoa, eta bost hilabetetan sortu zuen. Obrak bi noble frantsesen arteko lizunkeriak kontatzen ditu. Sekretuak, gezurrak, xantaia, sexua eta laguntasun oso arriskutsu batzuk. Literatura frantsesaren maisulan bat da. Laclosen nobelak duen meriturik handiena ahots bakoitzari estilo jakin bat esleitzean datza. Pertsonaia bakoitzak bere estiloan idazten ditu eleberrian agertzen diren gutunak, eta horri esker pertsonaiak definitzea eta gorpuztea lortzen du Laclosek. Horrez gain, bukaerak asmo morala du, irakaspena izan nahi du.
Obraren gai nagusiak amodioa, iruzurra eta sedukzioa dira. Istorioaren argumentua honako hau da: Merteuil markesa maltzurraren aholkuei jarraituz, Valmont bizkonde libertinoak Madame Tourvel emakume bertutetsua erakarri beharko du. Hasiera batean emakumeak bere erasoei tinko eutsi arren, azkenik, maitemindurik, amore emango du. Honela, Merteuil markesak bere maitale izandako gizon bat Madame Tourvelekin ezkontzea eragoztea lortzen du. Hurrengo konkista komentutik irten berri den mundurik gabeko neskatxa apal bat izango da. Bi sedukzioen istorio horiek Valmont bizkondearen aurpegi bikoitza erakuste dute: ezmorala bata, Cecile gaztearekin dauzkan harremanengatik, eta sentibera bestea, libertinoa Tourvel andrearekin maitemindu egiten baita.
XVIII. mendeko liburua denez, ezin da irakaspen moralik falta: libertinoak eta jarrera biziotsuak zigortu egingo dira. Izan ere, Valmont duelu batean hilko da, eta markesa publikoki salatua izango da. Cecile komentura itzuliko da.
=== Pertsonaiak ===
- '''Valmont eta Merteuil'''. Valmont libertinoaren eta bere lehenagoko maitalearen, Merteuilen, azpikeriak kontatzen dira eleberrian. Valmont aberatsa, argia eta adimentsua da. Valmont handinahia dela ere esan daiteke, goi-burgesiaren emakumeak seduzitzen ditu eta. Beste aldetik, garai hartako gizarteak espero du Merteuilek bere emakume rola jarraitzea, hots, serioa eta zintzoa izatea. Elkarren arteko miresmena bilatzen dute.
- '''Madame de Tourvel.''' 22 urteko neskatxa bat da. Valmontek seduzitzen du eta azkenean maitatu egiten du. Bien arteko harremana bukatzen denean, fraide-etxe batera doa eta Valmonten heriotzaren berri duenean bere buruaz beste egiten du.
- '''Cécile de Volanges.''' Komentutik 15 urteekin alde egiten du Gercouterriko kondearekin ezkontzeko.
- '''Danceny.''' Ondasun gabeko noble bat da eta Cécilerekin maiteminduta dago. Azkenean Cécile bere emaztea bihurtzen da. Valmontek Cécil seduzitzen duenez, Dancenyk duelu batera desafiatzen du Valmont. Azkenean, Dancenyk Valmont hil eta Maltan ezkutatzen da.
== Idazlanak ==
|
